每晚要上床瞓覺嗰陣 BB就特別精神 踢到媽媽冇睡意 令孕媽媽徹夜難眠嘅4個原因

去到孕後期，最令孕媽媽困擾嘅相信非睡眠質素變差莫屬，總係無法一覺瞓到天光，每每覺得個人瞓極都唔夠，精神狀況都變差，而最影響孕媽媽嘅睡眠主要係以下4件事。

1. 胎動得厲害

有唔少媽媽都會覺得BB一到夜晚就會變得非常活躍，總喺個肚入面不停轉嚟轉去、踢個唔停，有時仲會踢到媽媽嘅唔同器官，如胃、膀肛等，令媽媽唔舒服之餘，亦無法靜下心培養瞓覺情緒。

2. 尿頻

脹大嘅子宮會壓到孕媽媽嘅膀肛等器官，令孕媽媽常常有尿意，而令到因夜尿而起床嘅頻率增加。孕媽媽一晚可能會被中斷睡眠幾次而起身去廁所。

3. 腳抽筋

孕媽媽有時會喺夜晚出現腳抽筋，腳抽筋係指小腿肌肉細胞因缺氧而導致肌肉痙攣，產生不自主抽筋、僵直同疼痛嘅現象。當抽筋起上嚟，真係令孕媽媽叫苦連天！甚至要叫醒另一半幫手按摩解決抽筋之苦。

4. 難以轉換姿勢

晚晚都有個巨肚壓住媽媽，所以媽媽喺孕後期都只有打側瞓能夠瞓得舒服啲，但一整晚維持同一個姿勢會令孕媽媽覺得難受，而想轉換另一個姿勢又比較困難。

Text: Mami Editorial