【從超級市場走到街市 為咗家人健康街市戰團】

【從超級市場走到街市 為咗家人健康街市戰團】

Bloggers 專欄媽媽心事
By Mamidaily on 02 Jan 2019

我一直好怕去街市,因為街市地下又濕滑,買東西要大大聲,又要跟其他人鬥快,因為就算你黎先都隨時因為吾夠快俾人截左。之前未有bb時,勁少下廚,所以只會光顧大型超級市場。不過自從bb加固之後同屋企要招呼埋工人姐姐我就開始加入街市戰團喇。

以下系我覺得去街市買餸既好處:

1.買餸價錢較便宜,選擇多

街市一般平過起市真系系人都知。自從BB要加固之後,每日都希望俾新鮮肉俾佢食,所以去街市肉類選擇最多。當然有d家長可能會索性俾最好,去「城市超級」買⋯⋯ 不過我都系覺得貴,我都系鍾情傳統街市。

2.去街市買餸會更有效率

我附近街市系傳統街市,地下濕滑,所以我每次去買餸一定列左清單先,跟著再規劃路線,每次大約半小時都完成。以前去超市購物因為太舒服,所以都系漫無目的甘行,到最後都系吾知買乜,都起碼起足一小時,仲要排隊俾錢。

3.自信心提高

去街市買餸最忌太斯文,因為你買野個陣隨時都被師奶阿婆把聲蓋過唒,而老闆/員工亦都無空去管理邊個有冇排隊,所以一切靠自己自律仲有要大大聲。我而家一去街市就自動轉mode, 買野已經開始朗朗上口,有時菜檔老闆仲會私人醒多少少野你,極重人情味呀!

4.學會做精明消費者

街市每檔價錢不同,老闆員工亦各有特色。我都俾過吾少學費先找到合適既檔口買我既目標。例如我要買鯇魚腩,我都系買過3間先知道咩叫鯇魚腩,因為有檔口會拎個鯇魚心話你知系魚腩,仲有打邊爐買肥牛去街市又新鮮又化算,有時肉類切割員仲會教你睇邊d先系靚肉。


5. 開始留意同欣賞不同地區既街市

以前只會留意有乜新商場開幕,而家每次去街如果行經過街市都會好奇去望下,我亦都好欣賞新式街市環境通爽乾淨,不過我又開始睇慣傳統街市既凌亂美,仲有吾想涼甘多冷氣呀。

回想以前覺得街上/去工展會推住車仔既太太們好誇張,不過去多幾次街市後我都添置了一架買餸車。從超級市場到街市呢個轉變對我來説是一個做媽媽的大進步,就好似當初諗住怕痛計劃生bb開刀但最後都系頂硬上順產。當上媽媽沒有什麼不可能的事,我也為自己不斷地改變感到自豪。


==============================

Text & PhotosMan Man Diary

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: MamiDaily


街市買餸

Share to Facebook