大肚香香身材無走樣 忍唔住偷食一啖雪糕

中華小姐岑麗香公佈做人媽媽後，就同老公強強飛咗去美國夏威夷度假，暫時放下工作，專心養肚。

香香喺社交網站，分享張著住泳衣騷玉背嘅靚相。雖然香香已經懷孕5個月，但係睇落仍然身材依舊，真係羨慕死一班媽媽們呀！

從身材嚟講，真係完全睇唔出香香係位大肚婆，但係佢仍然要做準媽媽嘅指定動作，就係戒口！香香去到陽光與海灘嘅地方，更係唔少得要食雪糕，但係香香話「只有得睇，無得食」，不過見住身邊嘅人食到津津有味，又點會咁容易受得住引誘，最後佢都話：「好喇，我承認食一咗一啖，其他全部由老公食晒！」睇嚟香香食咗一啖就已經知錯，會繼續努力㗎喇，但大家都唔好再誘惑佢！

34歲嘅香香今年6月離開公司後，就表明想畀多啲時間屋企人，甚至好好調理身體盡快生BB，月初佢就同大家分享喜訊，公布成功懷孕。雖然仲未見過香香嘅大肚相，但真係好期待再過多5個月見到BB出世呀！

Text：Mami Editorial

Photos：heungheungeliza @IG