父母教養嘅態度 造成孩子嘅7個負面特質

當孩子逐漸懂事，有啲爸爸媽媽會開始覺得小朋友變得麻煩起嚟，如經常發脾氣、講大話等，唔明白點解自己嘅小朋友會特別「曳」。當小朋友出現呢7種負面行為或特質嘅時候，爸爸媽媽都不如撫心自問，自己對小朋友嘅教養方式又係點呢？

1.愛講大話

爸爸媽媽對小朋友做錯事時嘅反應過大，或懲罰手段令小朋友害怕，小朋友寧願講大話去掩飾過錯。

2. 膽小

每當小朋友遇到困難，爸爸媽媽總會第一時間衝出嚟為小朋友解決，令小朋友日後再遇到任何困難只會退縮。

3.嫉妒

爸爸媽媽想小朋友做得好，總會拎小朋友同其他人比較，希望藉由大力讚賞其他人而刺激小朋友仿傚，但就無意中挑起小朋友嘅嫉妒嘅心態。

4. 自卑

無論孩子喺一件事上做成點，爸爸媽總係覺得孩子未夠好，經常要求孩子再努力做好啲而代替讚賞。

5. 霸道

孩子咩都要霸佔嘅行為，係模仿家長或常親近嘅大人。

6. 冇同理心

小朋友唔在乎其他人嘅感受，因為自己嘅感受都不曾被父母在意過。

7. 愛發脾氣

因為小朋友只有喺發脾氣嘅時候，先會得到父母嘅關注。

Text: Mami Editorial