【Babymoon留倩影 自家拍攝準備功夫唔少得】

分享 Babymoon x 自家拍攝大肚相注意地方。

人妻電話pop up 上年呢個時候Babymoon花絮，睇完相想分享下，鼓勵而家大肚緊嘅朋友仔，影多啲相留念！每位媽媽都要影起碼一輯大肚相！

️通常準媽媽Babymoon 會安排喺 Second Trimester ，去海外Sun&Beach旅行relax 下。
不過我上年懷孕嘅情況唔穩定要bedrest， 醫生全程唔建議我地去旅行，所以只好靜雞雞係工人姐姐嚟之前， 搵兩日留港偽Babymoon 。未生BB之前， 神級隊友係好怕羞比其他人影，couple selfies 係我哋嘅興趣，所以Babymoon順理成章影埋自家孕媽媽相。

今次就分享 Babymoon x 自家拍攝注意地方：
1. 酒店 ：搵間新、市區嘅，有乜事上嚟，撲醫院都方便啲。 我想影水著相，泳池境要靚。

(babymoon前一日都入咗醫院check contraction, 因為成日肚硬情況唔穩定)

2.  靚衫 ：足不出戶，搜羅大肚婆衫？！ 最後喺偉大嘅TB買左五件有三件會着到。其餘兩件no good。不過TB好多選擇，只係for影相一次， 性價比真係無人能比。

3. 逗留長短：神級隊友想留番啲假期來湊BB ，只係訂左兩日。經驗而家話我聽，應該stay三日！ 因為影相都影左一日，第二日泳池影咗半個鐘頭相就要走人。 完全冇得enjoy。

4. 影相Mood : 可以搵吓 IG & Pinterest Pregnancy Photography  睇吓有邊啲style想影。一向鍾情黑白相， 夠classic。

5.性感尺度： 同老公溝通理想效果，唔介意性感一啲，只要靚同表露孕肚美， 就可以。有幾張相嘅尺度比較藝術，未必係Facebook 尺道，只係放咗喺IG。有興趣就可以去睇睇， 有無reference 啱。

6. 道具 ：記得帶一啲小道具增加留念嘅趣味。 我哋帶咗花同小雞雞頭飾。想喺浴缸影有花伴住嘅相，留意， 原來想啲絲花浮喺水面，係要特別搵，如果唔係普通花會沉咗落水。

7. 燈光準備： 由於酒店戶外比較多人，我哋決定只留在室內影（有點可惜， 因為酒店出邊就係無敵大海景），投資左一些小燈光gear 補光，效果滿意。之後仲係屋企打埋燈影。

8. 化妝：大肚婆化妝簡單就可以了。髮型比較重要， 我請了一位化妝師早上為我化妝set頭。Direction 係女人味。

9. 留念相集 ：之後曬左一本孕媽媽相集專輯做紀念。 大家可留意各大網站，有什麼photobook優惠，預早購買， 可以慳返少少。

最後， Again, 每位媽媽都要影起碼一輯大肚相！

不過影相留念固然重要，影Video 都一樣咁重要，因為拍片至睇到個3D肚！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text&Photos：JessicaSee @牛一舍

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！