download MamiDaily 親子日常 app
【泵奶埋身一樣辛苦 超人上身都唔掂】

【泵奶埋身一樣辛苦 超人上身都唔掂】

爸媽分享 家庭關係
By 西瓜媽媽 on 24 Oct 2018

因為女女腸胃敏感,非常抗拒奶粉,換過3款後,都係唔得,強逼我全人奶,連補奶粉既機會都唔比我!

而我又唔係一個富媽,曾經最多有9枝3安雪奶係雪櫃,亦都試過1枝都無。

話說出院後經歷左1個月全泵生活,再轉換全埋身,之後再半埋半泵。2種辛酸都體驗過,尤其係在職泵媽,我覺得你地真係好叻!點解我要半泵?因為西瓜妹夜晚跟婆婆訓,所以泵定比婆婆夜晚餵!

要做一個成功嘅泵媽,必定要有一個好泵所謂好泵,唔一定係好貴/好多人介紹,因為真係人夾泵。好彩我第一個泵唔得,第二個終於揀岩!我係單泵型,因為一邊受泵,一邊係唔太受泵,呢個時候,接奶神器絕對係一件好重要既助手!好神奇,我泵極只有一安嘅左邊,用神器接竟然有2-3安!之後發現,原來好多媽媽同我一樣接多過泵。

泵完每part都要洗得乾淨,用前又要乾身,最慘既係自己係用蒸氣消毒機,無烘乾功能。4個鐘泵一次,都要拎廚房紙抹乾。然後無止境重複泵完洗,洗完蒸,蒸完抹,抹完泵⋯⋯
泵奶最易發生瀉奶事件,呢83日,我瀉過6次奶,仲要唔窮唔瀉,好嬲自己!重要所有容器都出過事!杯、儲奶樽、神器、theonecup。琴日又倒瀉過一次!

仲有帶泵出街好似走難咁大包小包。出門外要檢查清楚,如果帶漏一樣都好大獲!
埋身的確係一個好親密既活動,令到自己同bb有個聯繫。出街一條巾就搞掂,輕鬆好多,但有樣壞處,就係自己抽唔到身,西瓜妹屬於10分鐘飲完就停既bb,餓起上嚟會扭到癲,仲要唔知幾耐食一次,喊就要比,去邊都要帶埋佢。感覺到蓮妹都有d疲倦,因為泵起碼4個鐘一次,中間都叫有得休息,但埋身1個鐘2個鐘3個鐘都唔定,好攰!

望到西瓜妹依家終於開始長肉期,感到非常恩惠繼續努力!

==============================

Text & Photos:西瓜媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道