download MamiDaily 親子日常 app
【人多擠逼小孩易走失 爸媽事前有溝通 美調:5份之1嘅爸媽無教孩子走失後要點做!】

【人多擠逼小孩易走失 爸媽事前有溝通 美調:5份之1嘅爸媽無教孩子走失後要點做!】

mami熱話 爸媽分享 湊B趣聞
By Scientific Papa on 29 Jul 2018

暑假又黎啦!大家有冇諗過帶仔女去香港的主題公園?!甚至係去外國嘅主題公園?有小朋友,排隊時要有零食,太陽晒時要有太陽油,熱時要有芭蕉扇,仲有汗巾等等一大堆物品,可以話將個背包塞爆,務求令佢變成叮噹的百寶袋——應有盡有;但調查卻發現,五份之一的父母,忘記咗一樣好重要嘅嘢!

shutterstock_754955704

 

一個密歇根州大學,包括了1,214個5-12歲兒童的父母嘅調查發現,5個就有1個父母,忘記咗同仔女講定,係咁大個公園失散咗,究竟佢應該點做。更重要的是,根據美國消費者產品安全委員會,2016年急救室的數據顯示,在美國各地的遊樂園和嘉年華曾有30,000人受傷;係香港就剛有小孩在玩體感浮床時受傷,可見遊戲安全使用的重要性。

 

shutterstock_1134809399

負責這項調查的教授Gary Freed就指出討論「安全遊玩規則」,「失散後聚會地點」應該是家庭旅行前規劃的一部分,父母千祈不要輕視!

其實,筆者自己就曾經有一次差點就與女兒失散的經營,在一個非常熱鬧的公園,帶著大女兒,抱著小女兒,一瞬間大女兒的手一甩她就在人海中消失了,幸好公園比較細,而又有其他家長的幫助,以至整個失散過程只有1到2分鐘。但自始以後,除了叫女兒盡量不要在人多地方走太遠,筆者在人多地方還會提醒女兒失散後在那裹會合,找不到就搵警察或公園職員幫忙,還著她緊記自己住係邊等等。

 

shutterstock_611298578

就算是乘坐地鐵,筆者都會教導女兒不要衝門,上不了就下一架才上,要是失散了就在下一個站同一個門口等或教她找地鐵職員幫忙等,這些生活常識及預防措施,實不應到出事時才醒起,應該提早就與他們溝通好,尤其是在暑假去人多擠迫的主題公園時,更需要「防範於未然」啊!

==============================

Text & Photos : Scientific Papa

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道