【免費限定好去處 八號風球滑梯 x 滾動破冰之旅 x 冰山一角】

【免費限定好去處 八號風球滑梯 x 滾動破冰之旅 x 冰山一角】

Video 爸媽分享 親子玩樂
By和牛B的成長日記 on 18 Jul 2018

暑假去邊到好呢?放暑假絕對係全職媽媽最忙碌嘅日子,今次我同大家介紹一下九龍區有咩免費好去處啦~

今次介紹嘅係位於九龍樂富嘅樂富廣場,商場舉行咗一個免費活動「動感冰夏Summer Freeze」商場平台設有3大遊樂區(其中一個需於商場消費滿指定金額先可進入),及一個攝影區。     免費遊樂設施、攝影區有「八號風球滑梯」、「滾動破冰之旅」、「冰山一角」,而其他消暑體驗「冰極Cool’gloo體驗」、「冰極體驗」,假日仲有「雪之戀人工作坊」  
*而「冰極體驗」入場證、「冰極Cool’gloo體驗」及雪之戀人工作坊」需於場內消費滿指定金額,即可換領入場證體驗!   我哋於平日收工時間嚟到,人流唔算好多。和牛B都可以排隊玩左好多好多次,不過因為年紀同埋身高問題,一定要同大人一齊瀡。而場內每樣遊樂設施,都唔需要好長時間輪候。     【 冰山一角 】 - 攝影區 企喺冰山後面影,影出嚟就好似俾冰封住一樣~好搞笑呀~~  
^ 日頭同夜晚都有唔同效果,入黑後前面啲字仲會著燈~好靚呀!! 【 滾動破冰之旅 】  免費遊樂設施,係隊制遊戲。每組遊戲要有6個人參與,限時2分鐘要將冰球送到終點。
看似好容易,其實要控制板塊啲斜度,又唔可以入窿,真係好考默契同埋功力。
^ 遊戲係參照VS嵐入面嘅滾動海盜(Korokoro Viking)遊戲組設計   【 八號風球滑梯 】 嚟到一定要玩嘅八號風球滑梯,遊戲係免費嘅,如果人唔多、又有力氣,絕對可以無限次玩!! 入場前後,家長可以用商場提供嘅消毒噴手同小朋友消毒雙手。 (於樓梯口位置) 仲要記得進入滑梯一定要著襪仔,120cm身高以下需由家長陪同先可以進入。  
^ 排咗唔洗2分鐘就快到和牛B啦~ ^ 當日只開放一邊滑梯,無開o個邊超強風,而開放嘅一邊無乜風。 ^ 睇落好似好矮,其實滑梯有6米長,都有少少速度同刺激~ ^ 話咁快就著落~~ ^ 一粒粒冰粒海棉~   【 冰極體驗 】  需於商場消費滿指定金額*再換領入場券先可以進入,冰屋入面係負20度嘅低溫~~ 冰屋入面有提供到雪褸俾大家,穿著拍照影相~
換領冰極體驗入場證 ** 星期一至四 冰屋入場券 優先進入「冰極Cool’gloo體驗」乙次 (最多2位人士) 換領方法:以電子貨幣即日消費滿200港元或以上,即可換領「冰屋入場券」乙套。(最多2張發票及必須為電子消費發票,其中一張需於食肆消費) 星期五至日 (1) 二人冰極通行證 優先進入「冰極Cool’gloo體驗」乙次 (最多2位人士)及換領冰極飲品2杯或冰感首飾2份 (可以換領不同組合) 換領方法:以電子貨幣即日消費滿400港元或以上,即可換領「二人冰極通行證」乙套。(最多3張發票及必須為電子消費發票,其中一張需於食肆消費,每套發票最多可換領2套通行證) (2) 三人冰極通行證 優先進入「冰極Cool’gloo體驗」乙次 (最多3位人士),及換領冰極飲品3杯或冰感首飾3份 (可以換領不同組合) 換領方法:以電子貨幣即日消費滿500港元或以上,即可換領「三人冰極通行證」乙套。(最多3張發票及必須為電子消費發票,其中一張需於食肆消費,每套發票最多可換領2套通行證) #換領資料來源自樂富廣場官方網站 ( http://www.linkhk.com/tc/promotion/241 ) 動感冰夏Summer Freeze @ 樂富 活動日期:2018年7月12日至8月19日
活動時間:下午12時至8時 活動地點:領展樂富廣場A區美食坊換領區

==============================

廣告
廣告

Text & Photos:和牛B的成長日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook