download MamiDaily 親子日常 app
【小天使來臨令人感動 老公可能都會反應唔切】

【小天使來臨令人感動 老公可能都會反應唔切】

懷孕 爸媽分享
By Shan Shan on 10 May 2018

好想分享下知道懷孕的一刻!

shutterstock_427218448

好記得2017年3月8日那天我因為第二日要外出工作朝早就去驗孕,當時驗孕棒顯示係未有(其實當時都未到經期要嚟嘅日子)因為擔心自己嘅工作會影響bb(如果有,就要錫身些),咁當然咩都驗唔到啦!(個支驗孕棒仲要話自己經期前7日都驗到喎) 結果我就粗粗魯魯過咗呢一日!

shutterstock_373610266

當13號嗰日我應該M會到,但又未見影蹤,我一向都好準時架,所以就拎支電子驗孕棒出嚟試下啦,今次係買咗最貴個支,係等待嘅過程我一路刷牙洗面咩都做齊,但都仲未出結果,搞到老公屋企人以為我仲咩,當10分鐘左右結果一出「叮!叮!叮!」我個心其實係好開心,因為上年年尾我哋就結咗婚,好唔好彩當年年頭老公嘅爺爺走咗,我知佢一直好希望見到我哋結婚生仔,可惜佢等唔到咪個「塞」出世!當期時我個心第一句係多謝爺爺,一係佢在天之靈,賜咗呢個小天使比我地!

shutterstock_246872278

我立即衝返入房,老公仲係張床度打緊機!我比支棒佢睇,佢由專心打機變咗天然呆(都有5秒)再定返神,好冷靜咁同我講:「哦!不如再驗清楚d先喇!」當時我真係好心淡架,而家咩態度,咁唔開心咩,點解咁冷靜,唔係好似人哋嗰d喊晒話多謝我架咩(當然我諗得太多啦)如是者我當日睇醫生就驗唔到喇(診所仲叫我過多一個星期先再嚟驗過啦,因為有機會太細check 唔到),因為太心急嘅原因我過咗幾日又去咗另一間診所再驗過「登!登!」今次真係係有啦,(灑花⋯⋯)拎咗醫生嘅懷孕證明,但我因為因爲要工作,所以要等好日先可以去醫院登記,好彩嘅係呢幾年已經無雙飛霸床位,所以就算遲幾日先去登記都唔太大問題。

==============================

Text:Shan

Photos:Shutterstock

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道