【單親家庭】單親港爸染疫求前妻湊女遭拒 　細女語出驚人惹自責「冇能力兼任媽媽角色」

夫妻離婚後，養育子女的一方必須身兼父職及母職，自然不是易事！日前有單親爸爸就於網上分享離婚後獨自養育一對兒女的經歷，除了傳達戴綠帽的無奈，也抱怨前妻拒絕在他染疫期間照顧細女，導致細女長時間見不到媽媽難過爆喊，更語出驚人嚇壞爸爸，讓他感到自責表示「冇能力兼任媽媽角色」！

Photo from 《暖男爸爸》

遭戴綠帽成單親爸爸

事主於「香港討論區」發帖，指前妻自2021年開始因屢次出軌被發現，最終導致兩人婚姻破裂，離婚收場，他也自此開始單親爸爸的生活，獨自扶養一對年幼子女。成為單親爸爸後，他凡事親力親為，才發現即將入讀小一的兒子學習進度完全追不上，難免抱怨前妻對孩子的教育不上心，只會做功課交功課。

「小朋友啲功課真係勁甩，前妻原來冇乜教育可言，淨係做功課交功課⋯⋯啱啱大仔升小一，要用7個月追返啲進度，不過最終我都堅持要培養返小朋友學習嘅興趣先。」

為了讓兒子打好學習根基，他不惜花錢請家教上門一對一補習3個小時，最終用7個月時間讓兒子追回學習進度，順利入讀心儀小學。

Photo from 《暖男爸爸》

父子染疫求前妻湊女遭拒

眼看生活逐漸步入正軌，父子倆卻不幸感染新冠肺炎，他只好將女兒交給母親照顧，豈料母親隨後也證實染疫。別無他法之下，他開口向前妻求助，要求她照顧女兒數日，結果前妻拒絕幫忙，最終導致女兒也無法倖免感染病毒，花了半個月時間才康復。風水輪流轉，此時前妻也染疫無人照顧，於是向事主開口要求幫忙買食物，讓事主心寒：

「我心諗，當初我個女冇中，係密切接觸者你都唔嚟，而家好意思叫我買嘢食！？我最後梗係冇理佢啦！」

Photo from 《暖男爸爸》

細女難過 覺得被媽媽討厭

一連串事故導致孩子們有近一個月無法和前妻見面，女兒更是想念媽媽，認為媽媽討厭她才不來看望她，甚至語出驚人表示「想殺咗自己」，讓事主震驚不已，趕緊安撫她的情緒。

「啱啱我個女喊到豬頭咁講，好掛住媽咪，同埋以佢5歲嘅年紀，佢竟然話比我聽佢想殺咗自己，佢話冇人鍾意佢。我問佢爸爸、哥哥、奶奶錫唔錫佢？佢話錫，仲有姑媽同姑丈表妹都錫佢，佢問我點解媽咪唔返嚟睇佢⋯⋯我嗰刻真係撐唔到落去，我同佢講對唔住。」

女兒一番剖白讓事主難過不已，自責自己感情失敗害了女兒，也無法彌補女兒失去媽媽的空缺：「我知道呢個對唔住包含咗，我害咗佢，揀咗個咁嘅媽媽比佢，第二樣就係我已經盡咗全力，都冇能力兼任埋出色嘅媽媽呢個角色。」

Photo from 《反起跑線聯盟》

感嘆當單親爸爸不容易

事主希望找同路人，解答許多單親爸爸在育兒上遇到的難題，最後不禁感慨要兼顧工作及育兒的單親家庭實在不容易，尤其是單親爸爸不僅沒有贍養費，還會被人歧視，比起單親媽媽獲得的同情和打氣相比，簡直無處傾訴：

「單親原來真係唔容易，又要做嘢搵錢，單親媽媽都多啲人同情、打氣同幫忙。單親爸爸又冇贍養費，仲會比人歧視，啲人一聽到單親離婚，第一時間問係咪你自己衰。咁講佢又好似唱佢，但又冇理由硬食。同埋戴綠帽同陳世美，係傳統嘅華人社會都可以話係一啲羞恥嘅事，所以點同人講丫？」

Photo from 《暖男爸爸》

延伸閱讀：

【人工流產】台灣女星林舒語攜夫首次產檢發現胎停　二度痛失BB 心碎「點解又離開」

延伸閱讀：

【嬰兒窒息】新手媽與母因嬰兒床爭論不休　因一條影片 母親明白女兒苦衷

Text：Mami Editorial

Source：香港討論區