download MamiDaily 親子日常 app
【加電費】明年兩電齊加價 巿民百上加斤 網民為慳電出盡法寶 有專家兩年$0電費

【加電費】明年兩電齊加價 巿民百上加斤 網民為慳電出盡法寶 有專家兩年$0電費

電費
By Dara on 24 Nov 2022
Deputy Managing Editor

疫情持續,人工受壓,百物騰貴,兩電亦宣布明年加價,巿民真是百上加斤。有網民在社交網頁詢問如何節省用電,引發其他人熱烈討論,一人一個慳電好方法。

為省錢,巿民指要減少留在家Photo from 《流水落花》劇照

減少開冷氣慳電

之前一直有傳會加電費,日前環境及生態局指,兩電於明年一月收取新電費,按年度計算,中電新一年加價約19.8%,港燈亦加價約45.6%,加幅驚人。水電煤是生活必需品,不少人為加電費而頭痛,有網民在FB專頁「將軍澳主場」發帖,詢問:「大家有什麼辦法去節省用電?」

電費加價在即,普遍巿民認為要減少開冷氣能節省用電Photo from MamiDaily

帖文引起熱烈討論,不少人熱心把慳電心得公開。綜合不同意見,大致認為減少開冷氣最能省錢。使用變頻冷氣可以慳電費,另外,夏天開冷氣同時開風扇,冷氣就毋須開太大,相對慳電。

·「一季(電費)$750左右,5人家庭。夏季只需$1000左右,自少習慣咗只晚餐時才開冷氣到翌日早上。日間只用風扇吹,如果太熱先開,無人喺家不會開。我哋有小朋友平時只開電視收音機,早瞓早熄燈。」
·「2人家庭,500呎,最近2個月同之前兩個月都係$4xx,煮飯用電磁爐,沖涼用煤氣爐。通常瞓覺先開房果部(冷氣),廳果部通常有客人先開,我個廳裝咗吊扇燈,其實唔開冷氣都唔算好熱。」
·「真係想慳電,夜晚少開冷氣瞓,今年我開咗唔夠10日冷氣, 加埋唔夠100個鐘。」

但有人則指,香港夏天又熱又焗,很難不開冷氣,「熱起上嚟,好難唔開冷氣瞓」。有小朋友的家庭更加需要開冷氣,「屋企兩隻化骨龍好熱,今晚都係開咗....」。

明年兩電加價,令巿民百上加斤Photo from MamiDaily

不用的電器要斷電

此外,有網民提醒,「電器。standby都用電,直接unplug」,除了雪櫃必須長開外,一般不使用的電器最好關機斷電。

‧「雪櫃最嘥電,飲品用水浸住,食物買即日用的;電熱水爐改用煲滾水後,加凍水至適合溫度沖涼;飲用水都係煲滾攤凍;燈光改用 LED 燈泡或光管,亦可轉用叉電露營燈;風筒改用髮型師專用的 finger dry,乾咗好有層次感;電話喺公司叉爆,加埋加埋都慳返好多咖喇。」
‧「帶尿袋返公司叉,之後回家用。」
‧「睇少D電視,玩少D電話。」

 

巿民指手機留在公司叉電Photo from MamiDaily

盡量不留家中

有巿民直言,會因慳電費而減少留在家中,「盡量唔留喺屋企,去啲唔趕客走嘅餐廳食晚飯,假期去圖書館坐」、「多d返工,收工行到夜一夜先返屋企」、「去人哋屋企瞓」、「去附近體育館冲涼,去茶樓冲載飲用茶水,去商場嘆冷氣或暖氣,用手洗衣服」。為了縮減開支,有人只好拉上補下,例如減少外出用餐,以慳錢補貼電費。

 

巿民想到減少留在家中,並多在家煮飯減開支Photo from 《香港愛情故事》劇照

 

林超英兩年$0電費

前天文台台長林超英曾多次分享慳電心得,他的家用電量夠低,兩個月才用了192度,平均每天3.2度,因此賺取中電$100消費券,而且過去兩年都是零電費。他的慳電大法,包括:多利用天然氣流,用風扇而盡量少用空調,用一級能源標籤電器、所有電器不待機和不用則關電源(包括modem)。還有洗澡盡量不用熱水,熱水洗澡時間盡量縮短,大約兩、三分鐘以下。

寒冬的時候,他會穿着足夠保暖衣物,用暖水袋放入被窩,溫暖雙腿,而不會選擇開暖爐、暖氣。他的方法,大家能實行嗎?

 

前天文台台長林超英分享慳電方法Photo from 翻攝自 林超英 Lam Chiu Ying@FB

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道