download MamiDaily 親子日常 app
【親子睇波】世界盃逼近老公情緒高漲 開電視教阿女睇波 人妻頂唔順 驚老公壞習慣會教壞個女?

【親子睇波】世界盃逼近老公情緒高漲 開電視教阿女睇波 人妻頂唔順 驚老公壞習慣會教壞個女?

mami熱話
By Fanny Hung on 17 Nov 2022
Senior Editor

四年一度的足球世界盃,終於排除萬難於11月20日在卡塔爾揭幕,這也是首次由中東國家舉辦這場足球盛事,部分賽事會在凌晨上演,變相如果要睇就要捱夜了。有人妻就為此煩惱不已,表示老公自己睇都算,仲會教埋阿女睇,但她最「頂唔順」是老公睇波時有一個壞習慣,隨時教壞小朋友。網友睇法兩極,有的說親子睇波是難忘回憶,也有人說的確會教壞小朋友。

2022世界盃即將揭幕,球迷們都相當興奮。Photo from MamiDaily

教阿女一同為愛隊打氣

該名人妻在網上討論區以「老公點可以教小朋友睇波㗎!」,表示老公一向有睇開足球,平時都是用自己手機睇,但最近不知道是否就快世界盃,於是改為用電視睇,並說「睇波都係睇大電視最好睇」。但人妻認為當中最大問題,是開電視睇波變相全家都要陪他睇,連帶小朋友都會一同夜瞓。此外,老公還會教小朋友睇波,跟他們說「邊隊打邊隊」、自己喜歡哪個球員等,還要阿女一同幫他替球員打氣,結果睇到阿女好興奮不停跳上跳下,不肯睡覺。

對於老豆教個女睇波,人妻表示有反感。Photo from MamiDaily

嫌棄老公睇波會講粗口

不過最令人妻生氣的是老公睇波時有時會講粗口,令到阿女學到爸爸的「衰嘢」。人妻好矛盾,畢竟世界盃是四年一度,叫老公不要睇又不太好,但他睇還睇,為何要教埋阿女睇,於是忍不住向網友們大呻她的煩惱。

人妻明白四年一度世界盃很難得,但又不想女兒從老豆身上學到粗口。Photo from MamiDaily

網友反應大不同

網友的意見有支持也有反對,有的說「如果能夠一直陪伴爸爸睇波,當你女兒長大後,呢個就係佢同佢爸爸最珍貴嘅回憶,比去歐洲旅行、幼稚園、小學畢業等等都珍貴,係一生一世嘅感情」、「好好地睇波,畀你講到咁負面」。不過當中也有人提到「足球都係運動嚟嘅,不過搞到啲細路捱夜去陪佢老豆睇波又係over 咗好多」、「睇波係正常活動,無咩問題。不過講粗口就不應該」。有網友提到如聽到粗口,看看身為母親的版主怎樣向孩子解釋,亦不需要跟著去講和做。

有網友說一同睇波是親子共同回憶。Photo from MamiDaily

擔心日後會沉迷賭博

有網友問爸爸有沒有賭波,版主說有,這也是最令她擔心的事,怕小朋友會學壞,譬如將來有機會沉迷賭博之類。

人妻擔心老公會賭波,會影響女兒。Photo from MamiDaily

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道