download MamiDaily 親子日常 app
【英移日誌】移民是過第二個人生 一切靠自己 為阿囡化身廚藝高手 中西餐自己煮

【英移日誌】移民是過第二個人生 一切靠自己 為阿囡化身廚藝高手 中西餐自己煮

爸媽分享

移民,就像是過第二個人生。

話說在香港,不少媽媽的日常都是作為雙職母親。但所謂的「雙職」 ,很大程度是返工時候多,陪囝囡的時間少,而煮飯洗衫做家務更是全部留給工人姐姐幫忙。若然要進修的話,陪囝囡的時間就少上加少,對工人姐姐的依賴就愈更加重。

當然,我跟大家一樣,沒有例外。日出而作日入未能回家休息,有時加班後回到家,更不會有任何的親子時間。平常放假,都會帶孩子出外玩,不過家務和煮飯囉,還是留給工人姐姐,或出街吃算了罷。

充滿內疚感

所以很多時兩名女兒的日常生活話題,都跟工人姐姐有關的多。像大女兒說過小女兒小時候經常半夜會走去工人姐姐的床上睡覺,有時逼得工人姐姐要睡地下。大女兒更曾給我看她手機拍下工人姐姐和小女兒一起睡的睡姿。我看在心裏,百般滋味,心想:為何女兒晚上不會來我房間跟我一起睡,反而會去搵工人姐姐呢?

那份內疚感久久不能釋懷,會想要好好改進一下自己的親子時間。但這份決心每當回到公司忙着工作,很快又會被打碎掉。這就是香港做媽媽的兩難:唔通唔使供樓咩?!

重新學煮餸

但來到英國,沒有了工人姐姐,一切都要靠自己來做。首先第一樣要學做的,當然就是煮飯,否則出街吃,又遠又貴(因為有服務費和消費稅,試過有次吃飯,要畀多30%),亦不一定好食,而且未必吃得飽,所以煮飯成為我的日常。

講真,從小到大,我都無好認真學過煮飯。以前未結婚,靠媽媽煮;結了婚,開始時有奶奶煮;和老公搬出去住,由老公煮;到後來就由工人姐姐煮。期間都有自己煮下,但都是「暗黑」食物,唔係太鹹就是無味道又或賣相超難看更不時會煮燶晒。女兒都有抱怨過,但因為唔食無嘢食,惟有勉強吞。

現在在英國無晒所有靠山,惟有靠自己。每天上YouTube成為每天的指定動作,看看明星和出名的Youtube。

每學完一個食譜,就即日試煮,女兒話好吃,我就抄下食譜,再煮。每次試煮好,都會用期待的眼神問女兒是否好吃,她說好吃,我就可以開心一整天。再見她吃得很滿足,全部吃光的話,我就會好滿足。

那份滿足感,比以前返工獲老闆或讀者讚更開心。有種心裏被填得滿滿的感覺,讓我更有動力想煮好啲、煮多啲不同的菜式。

有時想不到煮甚麼,會問下阿女想食乜嘢?佢就會把以往看過好想吃但工人姐姐無煮的,都找出來給我看。

有一晚,我正在埋首看她給我的片學用電飯煲做三文魚蒸飯兼在抄筆記時,她非常感慨地說:「以前你每日剩係識一早揹住個大皮包出門口,到天黑才回來,吃完飯沖完澡就篤機。從來無想過我媽會好似一般師奶咁睇片學煮飯,現在呢個畫面真係好神奇。」

我反駁說:「我以前有咁差咩?」心裏卻想:可能真係有咁差!

有時妹妹放假回來,講開有乜嘢想食,兩姐妹就高談闊論,大談吃過啲乜、有乜嘢是好吃的,而我卻完全無印象。此時大女大聲說:「你梗係唔知啦!以前我哋想食乜,就同工人姐姐講,都係工人姐姐煮畀我哋食,你都唔知道我哋食過啲乜!鍾意或唔鍾意食乜嘢!」圖為妹妹第一次學整的焗雞蛋布甸。Photo from 安妮媽媽親子日記照片

做得家庭煮婦都要有啲自家製醃嘢傍下身。圖左起:炸醬、辣椒醬、檸檬醋和醃蘿蔔。Photo from 安妮媽媽親子日記照片

當中的炸醬非常重要,幾乎撈面吃飯炒菜都用到,放入雪櫃,足足用了一年。Photo from 安妮媽媽親子日記照片

請朋友教我整滷水,又是一道救命餸,隨時弄些滷水雞翼雞脾雞蛋腩肉豆腐等等,即刻有飯食。而且有汁撈,無得輸。Photo from 安妮媽媽親子日記照片

英國每個家庭都有個大焗爐,於是經常焗嘢食。Photo from 安妮媽媽親子日記照片

焗意粉、三文魚、蛋糕、蘋果批、菠菜批、肉醬千層麵等不可少。Photo from 安妮媽媽親子日記照片

蘋果批和肉醬千層麵都是成品之一。Photo from 安妮媽媽親子日記照片

還有星洲炒粉。Photo from 安妮媽媽親子日記

冬蔭功湯非常惹味。Photo from 安妮媽媽親子日記

在網上看到整燒鴨脾的食譜,於是跟住試整。整時都懷疑食譜得唔得,結果成品有板有眼,皮脆肉滑,好有成功感。Photo from 安妮媽媽親子日記照片

烤芝士三文治,拉絲的呢!Photo from 安妮媽媽親子日記

媽媽學煮嘢食,亦影響了孩子。Photo from 安妮媽媽親子日記

妹妹幫忙搓餃子皮包餃子。Photo from 安妮媽媽親子日記

睇片第一次整楊枝甘露,好處是甜味由我較,不會太甜,仲好有生果味添!Photo from 安妮媽媽親子日記照片

延伸閱讀:

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道