【母女關係】細女考入狀元女校港媽開心到喊 讀Band 1中學長女因一句話傷透心成績退步
家中有兄弟姐妹的兒女，或多或少都會感受到被忽略的瞬間，更可能潛移默化影響人生價值觀，因此父母一言一行都有著極為重要的影響，不可怠慢。一名港媽就因細女考入狀元女校開心到喊，卻無意間傷透長女心，致其成績退步，亦讓母女關係產生裂縫，讓她相當後悔，不過網民就似乎認為媽媽根本沒意識到事情嚴重性？
Photo from 《天空城堡》劇照
細女考入狀元女校母開心到喊
日前一名媽媽於Facebook專頁「家長Secrets」投稿，指自己育有兩女，目前長女在一間 Band 1 地區名校就讀，成績中上；而即將升中一的細女則是有幸進入某狀元輩出的名女校就讀，事主坦言「開心到喊咗出嚟」。
距離9月份開學還有幾個月，為了及早幫作為外校生的細女適應女校生活，她不停打探女校的讀書情況，準備幫細女好好預習一番。由於事主太關注細女情況，反倒忽略了長女學校生活，直到女兒期末考成績發布才驚覺其成績退步，難免責備她幾句，兩人因此發生爭執，長女也因此發洩心中委屈：
「佢亦發過我一次脾氣，自己話自己唔係讀xx，我一定覺得佢冇鬼用，又話我曾經同妹講過升唔到xx就慘，其他學校都冇鬼用，所以佢喺我心目中就係冇鬼用。」
Photo from 《青春本我》劇照
無意間傷害長女心靈 欲修補關係
原來事主無意間竟傷透了女兒的心。她表示自己非常後悔說過此話，但不忘解釋：「我想孩子入xx，係因為我好了解好多做人奶奶都想新抱係xx畢業，可以有頭有面唔會被男家恰。」接著透露想為長女轉校，奈何她期末考失利，還因此和自己產生隔閡，因此希望網民獻計幫助修補母女關係。
網民批評媽媽觀念膚淺
貼文一出隨即引發網民熱議，不過大家似乎都不認同媽媽的價值觀，甚至批評她想法膚淺，勸她若想修復母女關係，最重要是放下「成績大於一切」、「讀書為了別人」的成見，向女兒道歉，並學會看見女兒其他優點，避免比較，當一個真正愛護女兒的媽媽。
Photo from 《青春本我》劇照
「做阿媽嘅應該諗下，如果唔係名校畢業就會被奶奶恰，咁呢種家庭到底應唔應該比個女嫁入去。」
「童年陰影係消不去嘅傷疤。睇樓主語氣係無諗過反省自己價值觀嘅問題。」
「果啲係你心底話，你嘅價值觀就係咁，以為冇講出口大女就唔發現，咪儍啦，小朋友直覺強又敏感，點會feel唔到。」
「家長咁樣講會俾孩子覺得成績大於一切，其他變得唔重要。家長反而要俾佢哋知道媽咪爸爸都看重佢哋嘅品德，行為等。」
「一日唔放低xx是最好的，或許永遠不能『修補』跟大女的關係。」
「有啲嘢講左出來唔可以當無講過！妳應該盡快同大女道歉。」
Photo from MamiDaily
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
