download MamiDaily 親子日常 app
【育兒心酸】為仔仔未來鋪路 港媽晚晚OT無暇湊仔 見仔仔黐實工人瞓崩潰喊「好委屈」

【育兒心酸】為仔仔未來鋪路 港媽晚晚OT無暇湊仔 見仔仔黐實工人瞓崩潰喊「好委屈」

mami熱話
By ashly.eng on 27 Jul 2022
Digital Editor

育兒及工作難兩全?一名在職港媽於網上訴苦,表示兒子只親近工人姐姐,自己日日OT到深夜,根本沒有時間和兒子相處,有感兒子被「搶走了」,更是委屈到痛哭流涕,引起網民討論。

在職媽媽日日OT,大呻沒時間和兒子相處。Photo from 《那些我愛過的人》劇照

港媽晚晚OT無暇湊仔

日前,一名媽媽在Facebook公開群組「巴打絲打『13親子育兒』Facebook Club」發帖,指自己任職一份月入四萬元起跳的好工作,數年前於何文田購置物業,期望為兒子日後學業鋪路。然而一場疫情卻讓她工作壓力劇增,公司刪減人手之餘,還遇上瘋狂上司,即使在家工作也無法撥出時間和兒子相處:

「早排 WFH, 阿腦細又癲到要我哋三秒內接到電話,仲要開cam畀佢mon實,中咗肺炎都要繼續做,雖則我人喺屋企,但連望多個仔一眼都係奢侈。」

事主表示兒子非常親近工人姐姐,讓她醋意大發。Photo from MamiDaily

見仔仔黐實工人瞓崩潰喊

員工減少,逼使事主工作量大增,日日加班到晚上9點、10點,還必須把未完成的工作帶回家繼續。有天,她甚至忙到凌晨1點才到家,原本想抱一抱兒子撫慰疲憊身軀,奈何卻見到令她情緒崩潰的畫面:「打開房門見到阿仔攬實工人姐姐瞓到好冧,好sweet,好似兩母子咁。果秒個腦空白咗,跟住啲眼淚自己係咁涌出嚟。」

事主深感委屈,忍不住爆喊。Photo from 《那些我愛過的人》劇照

結果事主哭到需要老公攙扶回房,雖然有另一半安慰,她依舊忍不住委屈難過,認為自己辛苦賺錢都是為了給兒子提供更好的生活,結果如今他反而只和工人親近,「佢有嘢就搵姐姐先,夜晚要攬住姐姐先肯瞓,有時我鬧佢兩句,佢仲會匿喺姐姐後面」,加上平時都是工人陪兒子吃飯、練琴,還抱著他看卡通,讓事主心有不甘,「個仔我生架,而家個仔比姐姐搶咗咁」、「明明係我辛苦賺嚟嘅屋企,點解享受嘅係你,我就喺電腦前面忙到隻狗咁。真心好委屈」。

事主表示自己也想過辭職回歸家庭,奈何身上背負太多支出,單靠老公一份收入根本不夠應付,加上打算供孩子出國讀書,「work life balance」根本癡心妄想,「我真係好無力,又唔可以辭職,只能睇住個仔越嚟越癡個工人」,於是她惟有徵詢網民建議。

事主也想放下工作和兒子多多親近,奈何家裡有太多負擔。Photo from MamiDaily

網民鼓勵先解決工作壓力

對於事主的困擾,不少網民指出痛處,表示事主須知「食得鹹魚抵得渴」,既然選擇了物質,就注定難以兼顧陪伴,況且事主最大的壓力來源其實是工作,應該先關注自身工作問題,才能更好兼顧家庭。

「咁呢啲係你自己個人選擇,食得鹹魚抵得渴。」

「可能你嘅壓力太大,心情唔好,令自己諗每樣嘢都好負面,點解仔仔比你話兩句就匿喺姐姐後面,可能係因為你將啲情緒發洩咗喺仔仔身上,惡性循環嚟。」

「小朋友世界好簡單,邊個係佢最需要人陪伴嘅就親邊個。」

「你可以先處理一下自己,似乎你嘅情緒已經去到崩潰邊沿。」

「你有無諗過其實小朋友要咩?到頭來,做到晒你想要嘅物質嘢,係個仔心裏面無你,又有咩意義。」

網民替工人姐姐不值,認為她相當盡本分,不該被事主怪罪。Photo from 《愛回家之開心速遞》劇照

此外,大部分網民都感嘆事主找到很棒的工人姐姐,呼籲她要珍惜。

「你有個好工人姐姐先可以安心工作,好工人難求,自己諗清楚。姐姐除咗湊你個仔,應該仲做埋最討厭嘅家務啦,人哋真係嚟歎世界?」

「工人姐姐盡責照顧小朋友,你仲覺得人哋搶,咁工人姐姐有啲慘。」

「其實工人姐姐係無辜的,你應該慶幸佢錫係個仔。」

 

 

延伸閱讀:

延伸閱讀:

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道