download MamiDaily 親子日常 app
【後悔生育】港爸呻被4個女兒破壞婚姻關係 後悔生育嘆跟老婆之間只剩小朋友

【後悔生育】港爸呻被4個女兒破壞婚姻關係 後悔生育嘆跟老婆之間只剩小朋友

mami熱話 親子新聞
By Louisa on 16 Jan 2023
Digital Editor

生兒育女後,人生優先序即出現巨變,不過不少父母都視這為甜蜜的負擔,心甘命抵為孩子們無條件付出。不過現實中卻不乏後悔生育的父母,日前有一名港爸在網上大呻自從老婆誕下4個女兒後,夫妻間彷彿只剩下育兒,婚姻生活蕩然無存令他深感後悔。帖文一出引來不少網民留下負評,斥責港爸不負責任。

港爸呻育養4女兒的辛酸。Photo from TVB

夫妻間只剩下4女兒

該名港爸日前在連登討論區以「我同老婆之間嘅話題就得返女女,準備離婚之際。。。」為題發文,他稱自己跟太太育有4名年幼女兒,因此目前每一日的生活都是「忙住湊女女女女」,他稱夫妻之間已完全無暇作任何有關女兒以外的交流,大呻自己為了育養4女而疲於奔命。

港爸嘆生活只剩下女兒。Photo from MamiDaily

嘆湊女生活好辛苦

港爸表示大女現在「就忙搵playgroup、搵小學」,而年紀較小的女兒們「就忙換尿片餵奶沖涼」。他慨嘆育兒生活非常辛勞,「莫講性生活,連瞓覺食飯都冇時間,餵餵下奶自己都瞓著」。他形容這種生活「真係好攰」,其辛苦程度「甚至去到一個位係,我好憎自己嘅小朋友」。

他難忍目前生活,正打算提出離婚。Photo from TVB

育4女後夫妻關係變差

有時候4個女兒同一時間大喊和發脾氣,令港爸懷疑「佢地係比鬼上身」,有一次他更按捺不住情緒出手打了大女。至於他的婚姻同時岌岌可危,「我同老婆之間嘅話題就得返小朋友」,他認為二人已沒有愛,令他很想放棄這段破裂的婚姻關係和4個小朋友。港爸對目前處境感到後悔,嘆「有時會覺得係因為有咗小朋友,先令到我哋關係變差」。

網民斥「湊唔掂咪生」

帖文一出即引來大量網民負評,不少人批評港爸不負責任,明知自己承受不起4個小朋友仍要生,「湊唔掂咪生啦!一係當初就戴套,自己有幾多斤兩一早就知,生到第二胎湊唔掂就咪再生!又要生又要叫春」、「無能力就咪生,仲要生4個女,擺明想追個仔啦」。港爸解釋本來跟老婆計劃好只生兩胎,惟「之後兩個係老婆想追仔整穿個dom結果有咗孖女」。

網民怒斥港爸養唔掂就咪生。Photo from MamiDaily

鼓勵港爸要堅持

面對一屋女人,港爸回覆網民坦言真的是「養唔掂,財力上精神上身體上都超出負荷」。他又指別人說女兒是前世情人,但他只覺現在是在償還「風流債」。不過也有網民鼓勵港爸要堅持下去,「放鬆啦兩公婆嘅話題得女女女女都叫共同話題呀。記住一點,你太太每件都早你十個月就上身,湊4件係難,但睇住佢哋大一路成長,係正過乜性生活同乜私人空間,加油巴打!」

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道