download MamiDaily 親子日常 app
【畀家用】阿仔升職母要求加家用慘被「串到呆」 用兒時零用錢作比較被網斥不孝

【畀家用】阿仔升職母要求加家用慘被「串到呆」 用兒時零用錢作比較被網斥不孝

mami熱話 親子新聞
By Louisa on 12 Apr 2022
Digital Editor

不少子女長大成人投身職場後,都會為了報答親恩而每月給父母家用,但是家用應佔收入的多少則是個人決定。有一名港男日前在網上發文,稱近日升職成管理層,於是母親便要求他多付一些家用,然而他卻認為這要求並不合理,於是串到媽媽「呆咗」,不料做法被網民斥不孝

港男不滿媽媽要求加家用。Photo from TVB

兒升職母要求加家用

該名港男日前在連登討論區以「老母問我攞家用俾我串到呆左」為題發文,指他早前升職加薪成為公司管理層,其母親即「成日有意無意講叫我畀多啲家用」。直至昨日(11日)他終於忍不住還擊,並以兒時零用錢作例子反駁媽媽。

用兒時零用錢作對比

港男稱自己中學時期,媽媽也只是給他每個月500元零用錢,反問「你升職出雙糧嗰陣有冇加我零用錢?」以此認為自己即使加薪也不用加家用,來反駁媽媽的無理要求。他又自覺自己的論點串到媽媽體無完膚,形容對方事後「聽完成個人呆左半分鐘,頭dupdup行開」。

港男升職加薪做管理層。Photo from MamiDaily

網民諷刺港男「好型」

港男之後將事件放到討論區上企圖炫耀自己的「戰跡」欲獲得網民讚賞,並想就家用問題公審媽媽,不料結果不似預期,反而遭到大批網民怒斥他不孝,「好型,返屋企恰自己老母」、「串到阿媽一棟都無,咁叻仔抵你做管理層」、「傷咗阿媽個心,好叻好威啊你」、「咁都要擺上網公審你阿媽?」、「佢轉個身入房即刻同你計返咁多年租金同埋膳食費啊」。

港男將媽媽「串到呆」自我感覺良好。Photo from ViuTV

勸港男及早盡孝

亦有網民勸港男應及時盡孝,「樹欲靜時風不息,子欲養時親不在」、「老土啲咁講,父母花咁多錢養到你有手有腳出嚟做嘢,都唔會同你逐樣計啦」、「你咁計到盡,你未出嚟做嘢嗰時養你嗰啲錢唔該畀返晒你啊媽!」。不過也有網民認為「一家唔知一家事」,外人無必要多作評論。

Text:Mami Editorial
Source:連登討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道