【疫下在家】住客投訴樓上小孩「過度活躍」製造噪音　管理處譴責：家居不是遊樂場

By Louisa on 09 Mar 2022

Digital Editor

疫情下大家留在家的時間變長，大人在家工作、小朋友在家上課，而鄰里間的磨擦亦變多，當中以家居噪音問題最為嚴重。早前網傳一張由屋苑管理處發出的通告，內容指有住客投訴樓上住客的小朋友「過度活躍」，經常在家中跑跑跳跳製造噪音，並強調「家居不是遊樂場」。通告的遣詞用字和語氣引起網民熱議，而有關小朋友製造噪音的問題則有兩極意見。

Photo from 網上圖片

有住客投訴樓上小朋友噪音

有網民在Facebook專頁「家長secrets」發文，分享一張網傳有關投訴小朋友製造噪音的大廈通告，他指看到後有感而發，因自己亦同樣正被「樓下投訴下午及傍晚（7點前）小朋友的『噪音』」。圖中可見該大廈通告於上周五張貼，並由英文撰寫，內容有關小朋友在家中跑跳發出噪音，滋擾到樓下住客。

Photo from MamiDaily

通告勸喻家長要管好孩子

通告指管理處一直有提醒家長住客要管教好孩子，並要「禁止你的小朋友在家中因太活躍而發出噪音」，因為「家居並非遊樂場」。又指出家長應教育小朋友要顧及別人，「讓他們明白令別人受到滋擾是不正確的行為」。內容提及疫下不少住客在家工作，除了要忍受裝修的聲響，更要被過份活躍的小朋友所滋擾的話，「真的是很瘋狂！」逐促請家長管好家中孩子，共建和諧的居住環境。

Photo from MamiDaily

屋企有小朋友唔係大晒

通告內容隨即引起網民熱烈討論，有人認為鄰舍應互諒，家中有小朋友不是「大晒」，「一大堆家長話小朋友疫情無得出街放電點點點，唔通疫情只影響小朋友？如果樓下返夜班咁點？做家長唔該唔好咁自私」、「其實真係好影響人，大家個個WFH，全日好似喺你頭殼頂到敲打咁！」、「明白小朋友都困到癲，但都唔係藉口製造噪音影響人地」、「無人唔俾你個細路係屋企玩，但要跑要跳唔該你就自己舖好playmat」。

Photo from MamiDaily

通告內容極有問題

有網民批評通告內容非常有問題，「呢篇嘢寫嗰個真係搵個勁d嘅小五小六都鍊贏佢」、「似有感而發嘅作文多過official notice」、「邊個屋苑咁寸」、「差d以為係投訴嗰家人寫嘅」。亦有人認為內容偏頗，「home亦都唔係麻雀館，唔應該打麻雀架，亦都唔係戲院，唔好開聲播戲呀！」、「唔係屋企玩，帶小朋友去管理處玩好冇」、「直頭講：小朋友唔應該出現係呢個屋苑」、「我諗第日d樓要劃分一下有小朋友屋苑同冇小朋友屋苑甘至住得」。

Photo from MamiDaily

疫下家長呻無助

同時有不少家長留言指疫下有心無力，「呢個時期仲可以點⋯由得佢！大人都困到就嚟癲，邊得閒理咁多小朋友」、「投訴者應該冇小朋友，零容忍！日光日白邊有得投訴」、「而家D細路可以去邊個playground，同埋學校zoom都要做運動要跳」、「幼稚園都要喺屋企上zoom做運動啦，平時我個仔晏晝仲要係屋企上跳舞堂」、「朋友的女兒日間練琴都被鄰居投訴！真無言！」