【婆媳關係】人妻冬天用熱水洗碗慘遭奶奶批評　網民反指奶奶無常識為一事借題發揮？

By ashly.eng on 07 Feb 2022

Digital Editor

在公婆家做不做家務已經讓許多新抱糾結不已，不做容易惹人口舌，做錯亦容易留下禍根。近日就有人妻在討論區發帖，申述自己只是在年初一因天氣凍而開了熱水洗碗，就被奶奶唸到年初三，讓人妻大感無奈。

Photo from MamiDaily

人妻冬天開熱水洗碗被奶奶批評

近日有人妻在香港討論區上以「年初一開左熱水洗碗，比奶奶哦到去年初三」為題發帖，表示自己大年初一那天上奶奶家吃開年飯，並幫忙洗碗。由於近來天氣寒冷，事主就開了熱水來洗碗，未料最後關頭卻被奶奶看見並阻止，「佢好緊張咁話我浪費好開熱水嚟洗碗」。得知事主因天冷才開熱水，奶奶隨即批評「凍你咪帶手套洗碗，點解要開熱水，而且仲洗左咁耐，煤氣費好貴」。

事主於是向奶奶解釋，戴手套較不方便，因為無法感覺碗盤是否已經洗乾淨，不過奶奶似乎不接受她的說法，依舊批評事主「嫁咗人都係唔識做家務」。事主表示當下真的很生氣，惟顧忌當天是大年初一，因此才不和奶奶爭論。

Photo from 《那些我愛過的人》劇照

再次到訪奶奶家點外賣依舊被念

年初三時，事主再次到訪奶奶家，有了前車之鑑，事主這次專門點了外賣，就是想避免攔下洗碗的活，未料奶奶卻舊事重提，「未開飯前佢又拎返出嚟講，話今個月煤氣費一定好貴，暗示叫我哋比多少少家用」。這也讓事主無奈申訴：「奶奶呀，我都只係用咗一次熱水洗碗，有冇咁誇張呀！」

Photo from 《那些我愛過的人》劇照

網民反指奶奶常識不夠

評論區不少網民回應，指冬天用熱水洗碗更容易清除油污，也算是常識，反指奶奶常識不夠：「熱水洗碗先去到油呀」、「其實天氣凍，開熱水洗係因為去油」、「天氣凍唔用熱水洗碗好難洗清啲油㗎」、「你奶奶做左幾廿年人洗左幾廿年碗都唔識，冬天洗碗要用熱水先去到油，凍水洗油會停」⋯⋯

不過就事主和奶奶的關係而言，有網民開解事主「你係一個好家嫂，無謂同啲老人家一般見識」，也有人提到奶奶應該是想借題發揮，趁機加家用，「老人家是想趁機加家用，可以不理及不用太介意」。

Photo from 《那些我愛過的人》劇照

當然也有網名認為奶奶有理，鼓勵事主可抱持學習心態：

如你驚洗唔乾淨，可以最後一次過水嘅時候唔戴手套。而一開始洗嘅時候，戴手套用洗潔精，已經將油洗乾淨。
同埋如果真係好重油嘅話，應該用紙抹咗佢先，如果唔係遲早鋅盆塞埋，到時又要揾師傅上來整有一筆⋯⋯可能你唔太常做家務，所以冇考慮到以上嘅嘢。忠言逆耳，奶奶講嘅野其實冇錯，小富由儉大富由天，財富可以慢慢累積，亦可以慢慢流失，應使則使，唔該洗嘅就唔好亂洗。