download MamiDaily 親子日常 app
【婆媳關係】港女準備結婚搬入男家住以為關係好 意外聽到未來奶奶講壞話感錯愕

【婆媳關係】港女準備結婚搬入男家住以為關係好 意外聽到未來奶奶講壞話感錯愕

家庭關係 夫妻關係
By Louisa on 23 Jan 2022
Digital Editor

難道婆媳問題真的是千古難解的定律?日前一名準人妻在網上分享,稱因為正籌備結婚因此搬進男友的家,跟未來老爺奶奶同住。她認為素來跟他們關係良好,卻在一個周末的早晨意外偷聽到未來奶奶講她壞話?

港女準備結婚,於是搬進男友的家。Photo from TVB《BB來了》劇照

跟男友家人關係好

該名港女日前在討論區Dcard以「偷聽到未來奶奶講我壞話」為題發文,她表示自己跟男朋友正籌備結婚,雙方都已見家長,大家相處融洽,她覺得「未來奶奶同老爺都好錫我,去佢屋企佢地會煮好嘢比我食,又買靚生果」。她又謂自己都好識做,上男友家吃飯時,都會主動入廚房幫手洗碗。

港女有一天早起竟意外聽到奶奶講她壞話。Photo from TVB《香港愛情故事》劇照

準備結婚搬到男家同住

不過由於最近疫情再次爆發,加上近日又有禁晚市堂食的防疫措施,為了方便跟男友籌備婚事,事主便決定搬到男友的家同住。豈料相見好同住難,事主搬進去不久後,便發現未來奶奶對她有所不滿。

意外聽到奶奶講壞話

事源事主假日習慣比較遲起床,「放假都大概,11、12點醒直接食lunch」。上周末因為男朋友相約了同事和上司一大清早便去打高爾夫球,因此他很早便準備出門口,期間不小心嘈醒事主,令她意外偷聽到未來奶奶說她壞話。

奶奶竟不滿港女遲起身,更質疑她未來難以持家。Photo from TVB《BB來了》劇照

被埋怨遲起床

未來奶奶大概是不滿事主遲起床,「條女想瞓到幾點啊?點持家啊淨係識瞓!人人返工都攰架啦!唔見我起唔到身?算啦,佢都幫唔到啲咩,唔洗嗌醒佢啦唉!」對方所言令事主感到錯愕,因為她一直以為自己表現良好,男友的家人會對她感滿意。「我真係估唔到佢咁諗我,我都係返工好攰,想抖下姐,有咩問題?」

港女對於未來奶奶的不滿感到錯愕。Photo from TVB《香港愛情故事》劇照

網友力勸搬出自住

網民看過帖文後,都力勸事主婚後一定要搬出去住,「又係啲鍾意管人個女嘅中,一定要搬出去住」、「比我就即搬走 真係費時聽到都心煩」、「平時上去食吓飯就算啦,真係唔好同啲長輩一齊住,佢哋早起就覺得全世界都應該同佢哋一樣」、「好心plan結婚嘅自己搬出去啦」,亦有網民希望二人的感情不會受婆媳關係而影響。

Text:Mami Editorial
Source:Dcard

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道