【聖誕好去處2021】「B.Duck同你焫著水上樂園」!多個室內及半室外設施裝上恆溫系統  冬天玩水都可以熱焫焫!

【聖誕好去處2021】「B.Duck同你焫著水上樂園」!多個室內及半室外設施裝上恆溫系統 冬天玩水都可以熱焫焫!

親子好去處 親子活動
By Kexta on 15 Dec 2021
Senior Project Editor

每年聖誕都過住同樣嘅慶祝活動,唔係去食大餐,就係去參加Party交換禮物,覺得沉悶又冇新意?今年聖誕有不一樣嘅選擇!有冇諗過冬天都可以帶小朋友去玩水?今個聖誕就有呢個千載難逢嘅機會喇!今年海洋公園水上樂園除左可以同10米高巨型吹氣B.Duck打卡外,多個室內及半室外設施裝上恆溫系統,池水水溫亦有調較至舒服溫度,亦會長開暖風同暖燈,令到大家「今個冬天不太冷」,玩水都可以熱焫焫!

香港海洋公園水上樂園「B.Duck同你焫著水上樂園」聖誕主題活動由2021年12月18日至2022年1月2日舉行,黃色鴨仔B.Duck同成班親朋好友會喺12月18日游到嚟海洋公園水上樂園!入場可去到多個打卡位同B.Duck家族影靚相,仲可以暢玩室內同室外設施。

為咗令大家喺冬天時玩水玩得更盡情,水上樂園多個室內及半室外設施裝上恆溫系統,池水水溫亦有調較至舒服溫度;而喺排隊等候位置亦會長開暖風同暖燈,大家可以隨時伸手暖一暖對手同身體!

打卡熱點 1:湧浪灣|全港首個10米高巨型吹氣B.Duck
嚟到可以欣賞南區海岸美景嘅「湧浪灣」,一家大小除咗可以享受多種設有唔同模式嘅人造海浪,更可以同全港首個10米高巨型吹氣B.Duck近距離影相!

打卡熱點 2:樂園各處|神出鬼沒嘅B.Duck家族
喺海洋公園水上樂園,搞鬼調皮嘅B.Duck家族成員會同大家有個見面會,喺指定日子出現喺樂園嘅各個主題區,興奮地等住大家同佢哋 影相打卡!另外,仲有著住華麗聖誕裝嘅型男美女喺園內同大家擺出型格甫士打卡,兼送上驚喜,隨時焫著全場,成為小朋友最難忘嘅聖誕節!

「非指定日期門票」畀你任玩室內同室外設施+ 恆溫水溫唔怕冷親!
海洋公園水上樂園多個室內室外景點設施喺「B.Duck同你焫著水上樂園」期間會繼續開放(實際開放時間需視乎當天情況而定);冬天玩水,家長最怕就係小朋友會凍親,海洋公園水上樂園已為一系列室內同半室外設施裝上恆溫系統,務求將水溫保持喺最舒適嘅溫度,室外多個排隊位置亦都安裝咗暖燈,不過自己加多件外套就更穩陣喇!

而家凡購買水上樂園門票,仲有「非指定日期門票」畀你揀,唔洗喺買飛時就決定入園日期,只要喺2022年3月31日或之前,都可以自由揀日子入去玩,但就入園前要先喺官網進行預約呀!

-非指定日期門票成人港幣$270,小童港幣$190(星期一至星期五入場,休園日及公眾假期除外)
-非指定日期門票成人港幣$330,小童港幣$230(所有日期通用,休園日除外)

玩一次唔夠?而家仲有香港海洋公園水上樂園無限次入場証畀你玩到夠!
成人無限次入場證只需港幣$488,小童無限次入場只需港幣$340就可以由2021年12月17日至2022年3月23日或之前無限次入場^!無限次入場證將於2021年12月17日水上樂園官網發售!到時記得搶購啦!

立即購票/預約入園:https://bit.ly/3dBc33a

*優惠受細則及條款約束
^「水上樂園無限次入場證」及其優惠須受相關條款及細則約束。

Featured For Ocean Park

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道