download MamiDaily 親子日常 app
【尊重生命】女兒扭計養倉鼠港媽只買手提籠安置 店員企硬拒賣:請尊重生命

【尊重生命】女兒扭計養倉鼠港媽只買手提籠安置 店員企硬拒賣:請尊重生命

mami熱話 親子新聞
By Louisa on 25 Oct 2021
Digital Editor

尊重生命,是連小朋友都懂得的道理。不過日前一名女孩在寵物店扭計想養倉鼠,雖然媽媽答應讓女兒養,但卻只願意買一個小型的手提籠。店員解釋指手提籠並不足夠供應倉鼠基本需要,建議要買一種較大的籠。可是港媽當場發爛,而店員則企硬拒賣倉鼠給母女。

尊重生命,是連小朋友都懂得的道理。Photo from MamiDaily

女兒扭計要養倉鼠

有網民昨日於Facebook群組「香港倉鼠交流團」發文,指不時聽聞有怪獸家長買倉鼠,而自己最近則親眼目睹,事件令他非常憤怒。事緣網民到一家寵物店購物,看到「有個mix既小朋友(爸爸係外國人,媽媽係香港人)」扭計想買倉鼠回家養。

雖然媽媽答應讓女兒養,但卻只願意買一個小型的手提籠。Photo from 香港倉鼠交流團

媽媽嫌正常籠太大 只願買手提籠

然後女童的媽媽便拿了一個小型手提籠,並向店員示意想買籠及倉鼠。店員見狀便跟她解釋指手提籠並不適合養倉鼠,並跟她介紹一種能滿足倉鼠基本需要,但體積較大的籠給她。但港媽認為正常籠太大,又問了老公的意見同樣覺得太大。

店員見狀便跟她解釋指手提籠並不適合養倉鼠,並跟她介紹一種能滿足倉鼠基本需要。Photo from MamiDaily

店員拒賣倉鼠

該名網民在一旁看到這情況,心裏不禁質疑:「大?如果你覺得大點解你要養。」由於港媽堅持只買手提籠,其後有較資深的店員繼續跟她解釋配備適合的籠的重要性,更跟她說:「我哋係唔會賣俾你,除非你係買埋一個合適既籠俾隻倉鼠仔。」

倉鼠係一個生命來,你應該係好好地教育你囡囡。Photo from MamiDaily

港媽回應令人氣憤

店員續指:「倉鼠係一個生命來,你應該係好好地教育你囡囡,等佢知道點樣尊重呢個生命。」但最令網民意想不到的是港媽的反應,她竟然回應說:「咁我哋淨係買隻倉鼠唔買個籠囉!」網民目睹她的態度,坦言「燥到我呢」,他又認為「呢個家長冇救㗎啦」,所幸店員「企硬」拒賣。

最令網民意想不到的是港媽的反應,她竟然回應說:「咁我哋淨係買隻倉鼠唔買個籠囉!」Photo from MamiDaily

店員企硬拒賣

網民稱其實店員已解釋得很清楚倉鼠的基本需要,但兩位家長只為「氹掂扭計嘅囡囡」便做出這樣的行為,他認為「所以話身教真係好重要」。帖文一出,港媽的行為遭到網民炮轟,「依啲家長根本唔當倉鼠係一種生命,只當玩具,好肯定玩完即棄,仲要唔好咬親佢寶貝女添呀,咬親到時一定更慘」、「對父母咁唔珍惜生命,佢囡囡都唔會識孝順父母,第時老左就知味道」。

呢位店員好盡責,將心比己,倉鼠都係一條生命,唔好因為佢賣得平就罔顧佢生存既應有權利。Photo from MamiDaily

亦有很多人大讚店員做得好,「呢位店員好盡責,將心比己,倉鼠都係一條生命,唔好因為佢賣得平就罔顧佢生存既應有權利」、「希望其他店舖也尊重每個小生命,不隨便賣出鼠鼠給些無知家庭」、「店員好好,好有原則」。

Text:Mami Editorial
Source:香港倉鼠交流團

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道