【偉大媽媽】Bob懷疑老婆有外遇每夜偷會情夫　查問揭感人真相超內疚

藝人林盛斌（Bob）與老婆黃乙頤（Pearl）一直相當恩愛，二人育有三名女兒林霏兒、林熹兒、林機兒以及孻仔林道申，Bob經常在社交平台分享家庭樂，羨煞旁人。昨晚Bob在IG深夜發文指，懷疑太太有外遇，更每夜瞞著他跟情夫「煲電話粥」。

Photo from Bob Lam 林盛斌 IG

Bob懷疑太太夜會「情夫」

事緣Bob在昨日（3日）晚上在IG發文，指最近他發現太太每天半夜12點、凌晨3點和早上6點，她的鬧鐘便會響起來，並醒來走出房門外，隔一段時間後才會返回床上繼續睡覺。由於太太的這個怪異舉動維持了一段時間，令Bob認為相當可疑。

Photo from Pearl Wong 黃乙頤 IG

Bob表示曾因而懷疑太太有外遇，「我有懷疑過佢係咪約好時間，偷偷地同出面個姦夫傾電話」，他更形容太太的行為是「鬼鬼鼠鼠燴番薯嗰啲！」直至近日Bob終於按捺不住好奇心，決定向太太一探究竟，「忍唔住問佢搞乜」。

Photo from Bob Lam 林盛斌 IG

太太半夜醒來為兒戒片

經查問後本來想「捉姦」，卻意外揭感人真相，令Bob感到非常內疚。原來太太每晚較數個鬧鐘半夜醒來，是為了幫4歲的兒子「戒夜晚瞓覺片」。太太解釋道，她夜裏醒來後便會「專登過去隔離房抱佢起身去廁所，等佢唔好瀨尿，整濕條褲同d床被。」

Photo from Pearl Wong 黃乙頤 IG

得知真相深感內疚

其後Bob繼續追問，問太太為何以前三個女兒都不用這樣做，惟獨兒子才要抱他半夜去廁所。然後Bob在文中指「佢好淡然咁樣答我：『其實咁多年嚟個個都有咁做嘅，係你冇留意啫。』」太太的回覆令Bob晴天霹靂且對太太的付出深感愧疚，逐問網民意見：「請問各位有冇咩辦法可以令我冇咁內疚？在線等。」

Photo from Pearl Wong 黃乙頤 IG

不少藝人朋友都有留言回覆，陳自瑤坦言「無辦法」、而曾樂彤則建議Bob可以「以後同一時間，你公主抱老婆去隔離房，等佢抱個仔去廁所」。去年8月榮升媽媽的雨僑亦留言指：「我呢邊戒緊夜奶，見到其中一個方法係搵個佢無咁痴嘅人(泛指老豆)去做， 唔知戒片得唔得呢」。

延伸閱讀：
【看管子女】怪男商場內突狂扯4歲女童頭髮　媽媽目睹嚇到個心離一離
延伸閱讀：
【土地問題】窮男身上只剩50元租住公廁　覓真愛娶妻生子住足5年

Text：Mami Editorial
Source：Bob Lam 林盛斌 IG