【移民英國】林子博帶仔女抵英1個月呻租屋難　子女尚未入學：原來唔係咁簡單

By Louisa on 27 Sep 2021

Digital Editor

林子博太太董燕君（Shirley）去年10月因癌逝世，事隔一年林子博放下傷痛重新出發。他於8月帶同16歲長女詠渝及12歲細仔卓楠移民英國重過新生活，並決定實踐對亡妻的承諾，好好栽培子女成材。到埗英國1個月的林子博在YouTube開設《子博在英國》頻道分享生活，昨日發佈首條影片交代近況，呻租屋的困難。

Photo from Facebook 林子博-我們這一家

抵英1個月子女尚未入學

林子博目前跟子女定居曼城，不過抵英1個月仍有很多事情未安頓好。他表示不少朋友都關心他們，「問我習慣咗英國嘅生活未？係咪經已Settle落嚟？小朋友係咪返咗學呢？實不相瞞，小朋友仲未返到學，而家我哋仲住喺酒店。」

Photo from 影片截圖

大嘆「原來唔係我諗咁簡單」

片段中可見林子博面容有少許疲累，他大嘆：「原來唔係我諗咁簡單」。最初他計劃先在酒店落腳，然後便能找到租盤，豈料「這裏的業主不會隨便放租單位，會睇有無工作證明，即使願意交1年租金都未必租到」。由於未有住址證明，因此子女亦未能報學校。

Photo from 影片截圖

林子博表示住酒店甚為不便，房間沒有爐頭和洗衣機，「所以要日日落街食飯和拿衫去洗衣鋪洗。」不過他指未來數日內會先轉住Airbnb，「不過也有人說要有正式租約才能找學校，民宿的地址都未必得。」目前他只能見步行步，希望生活能盡快重回正軌。

Photo from Facebook 林子博

無包袱移英最掛念香港美食

林子博坦言這次來英國可說是「無包袱咁嚟」，「因為我無正職、無物業，我只係帶住4個大喼及5、6袋嘢，一枝結他。」離港一個月，他指最掛念香港的食物，「好掛住香港茶餐廳、沙嗲牛肉麵，這裏的中式超市連五香肉丁都買唔到。好掛住豆腐花、粥、油炸鬼、越南湯河、泰菜，香港真的有好多美食。」

Photo from Facebook 林子博

無緣移民加拿大

他又透露本來最心儀加拿大，因為那邊有較多朋友方便照應，「（加拿大）有相熟朋友喺當地搭路搵到我想做嘅工作，例如開咪、拍節目等，但最後因為唔係技術移民唔夠分」。雖說現在加拿大也有讀書移民一途，惟林子博認為自己英文程度低，未必應付得到，因此無奈放棄移加。他又補充，「英國教育全球首屈一指，所以來英國也未嘗唔係一件好事。」