download MamiDaily 親子日常 app
【遺傳基因】雙面人奶奶私底下批評孫女外貌 暗指孫女似媽媽唔靚 港媽絕招反擊

【遺傳基因】雙面人奶奶私底下批評孫女外貌 暗指孫女似媽媽唔靚 港媽絕招反擊

家庭關係
By Louisa on 19 Aug 2021
Digital Editor

嬰兒出生後家人終於看到寶寶的廬山真面目,外貌定會是其中一個引起熱烈討論的話題。究竟小朋友像媽媽還是爸爸?抑或隔代遺傳像公公婆婆、爺爺嫲嫲?無論小朋友像誰也好,家人都應該同樣愛錫孩子。不過有港媽卻在網上申訴,指奶奶不時私底下跟她抱怨孫女的外貌,更暗示孫女像媽媽所以唔靚。

無論小朋友像誰也好,家人都應該同樣愛錫孩子。Photo from MamiDaily

該名港媽在Facebook群組《同住奶奶好惡頂自由討論區》發文指,她認為很多奶奶都喜歡在言談間貶低新抱,從而獲得優越感。事主的女兒今年4歲,她指奶奶這數年間所說的話題離不開小朋友的外貌。每次去家族聚會,奶奶都會批評孫女的外貌「咁醜怪嘅」。

每次去家族聚會,奶奶都會批評孫女的外貌「咁醜怪嘅」Photo from MamiDaily

事主稱身邊不少朋友都認為她的女兒超似爸爸,不過當然也有些地方似媽媽。她認為奶奶批評小朋友外貌是為了藉此貶低她,每次奶奶的開場白都是:「你咁醜怪嘅,似邊個,我哋屋企人邊喺咁嘅樣」,言下之意認為孫女像媽媽,將矛頭直指事主,而事主則每次都會裝作聽不到。

事主分享了跟奶奶的幾次對話,有一次奶奶說:「佢個頭形兩邊凸凸地嘅」,港媽稱:「我頭形都喺咁,似我」,於是奶奶立即說:「咁奇怪嘅!」令事主感到非常無奈。又有一次奶奶問「點解佢隻眼好似無雙眼皮?」港媽解釋指女兒是內雙,老公同是內雙,而她自己包括娘家全部人則全是雙眼皮。奶奶竟然說:「你呢啲唔係雙眼皮,我呢啲先係雙眼皮,孫女似我隻眼咁靚就好。」

自此之後奶奶直至最近也沒有再談論孫女的外貌Photo from 《寶寶大過天》劇照

事主一般聽完都不予以回應,任由奶奶「自high」,不過經過多次之後,她開始感到不耐煩。有一次奶奶再次批評說:「佢條眉毛咁疏嘅,唔似我哋條眉毛咁靚」於是港媽指姑仔的眉毛也是這樣,不過奶奶即時反擊道:「唔係呀!呀妹條眉不知幾靚,邊好似佢咁,係咪似你呀?」於是港媽終於按捺不住反駁:「吓!咁佢係我生嘅,佢唔係似爸爸就似我嫁啦!一定兩個都似嫁wo!佢似我好正常啦!」

帖文一出,不少網民表示擔心小朋友會被嫲嫲的說話影響Photo from MamiDaily

自此之後奶奶直至最近也沒有再談論孫女的外貌,不過港媽事後認為其實可以回答得更好,如果下次奶奶再批評小朋友的外貌,她會回答說:「係呀!無一樣似你個仔,可能唔係佢個女呢!」最後港媽補充指:「可能有人問,46(老公)喺邊。我99(奶奶)雙面人嚟,佢次次趁46唔喺我身邊先開始呢個話題。」

帖文一出,不少網民表示擔心小朋友會被嫲嫲的說話影響,不過事主留言表示,奶奶的批評「唔會喺我女面前講嫁!佢對住我女話:xx你好似又靚女咗喎!嫲嫲最鍾意xx!」令不少網民大呼「雙面人真係好恐怖」。又有網民建議事主不應再跟奶奶「遊花園」,應直接質問奶奶,「其實你係咪想話我醜樣呀?直接講啦,做咩係度數個細路女啫,仲要你內孫黎架喎。」

Text:Mami Editorial
Source:同住奶奶好惡頂自由討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道