download MamiDaily 親子日常 app
【小童車費】野蠻港媽搭小巴側側膊不為3歲兒付錢 乘客出聲反被指:幾蚊都咁計較

【小童車費】野蠻港媽搭小巴側側膊不為3歲兒付錢 乘客出聲反被指:幾蚊都咁計較

mami熱話 親子新聞
By Louisa on 29 Jul 2021
Digital Editor

不少公共交通工具規定3歲以下小朋友不佔座位可免車資,而基本上年滿3歲乘車便一定要付錢。所以隨着小朋友長大,家長便要多付一筆交通開支,可是有部分家長或會倚着不會被捉而帶着「超齡」的小朋友搭霸王車。近日一名港媽搭小巴時,就因為未有為3歲兒子付車資而被其他乘客和司機圍攻,弄得場面尷尬又難看。

MamiDailyPhoto from MamiDaily

一名網民在Facebook專頁「生仔要考牌系列」以「小巴車費照妖鏡 」為題投稿,指他在乘搭小巴時遇上一件有關小童車資的小插曲,直言「幾蚊車費足令家長醜惡之心表露無遺」。事源這名自稱「花生小巴乘客」的網民指他剛上小巴坐下,司機便揚聲問了數次:「係咪有人未俾錢?」

MamiDailyPhoto from MamiDaily

當一眾乘客都在懷疑自己是否「未嘟到八達通」之時,司機再說:「有位夠咗三歲嘅小朋友未俾錢啊!」大家都望向那位身穿校服,且佔了座位的小童。坐在小童旁邊的港媽辯駁稱:「啱啱夠三歲多幾日咋嘛!咁計較,少少錢咁緊張!」

於是司機解釋指綠色小巴的車資不是歸司機,車費是公司規矩。該名港媽再說:「幾蚊都咁計較!」逐將車資投入錢箱。有乘客開聲指:「太太,夠三歲就要俾錢㗎喇,我小朋友都係咁,我諗你要習慣下」港媽不忿回覆道:「咁我而家咪畀咗囉,仲嘈乜嘢!你哋唔好咁執著啦!」

MamiDailyPhoto from MamiDaily

司機感無奈地說:「你頭先上咗車10分鐘都未畀啦,唉!」於是乘客又再循循善誘跟港媽說:「太太,身教好重要,呢啲係規矩嚟,你咁樣會教壞小朋友」港媽卻惱羞成怒反指責:「司機平時啲朋友都上車唔俾錢啦!雙重標準!」於是乘客又道:「7000幾蚊一個月學費就肯畀,幾蚊車錢喺度嘈。做家長真係要考牌」。

MamiDailyPhoto from MamiDaily

目睹全程的事主指最終港媽因寡不敵眾中途便下車,他指港媽上車的地點屬貴價私樓地區估計其家境富裕,卻在幾蚊車資上盡顯人格。而且司機已很好禮貌給予落台階讓她自動補回車資,惜她的作為可見「面係人哋俾,架係自己丟」。

有網民指港媽只需說聲不好意思,然後補回車資便不會發生這樣尷尬的場面,「話人幾蚊都計較 ,你幾蚊都慳添啦」、「好溫柔嘅小巴司機啊」、「其實佔左位,就要畀錢啦」、「做錯就要認,恐怕佢教出嚟個細路將來會同佢一樣,到時呢位家長自己受返晒」。

Text:Mami Editorial
內容授權《生仔要考牌系列

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道