【媽媽心聲】港媽後悔生兩兒勸人千祈唔好生　大呻失自由、用錢倒水咁稱人生做過最錯的事

By Louisa on 24 May 2022

Digital Editor

近年經濟、社會狀況不穩，更多人討論應否生育的問題。已是兩子之母的港媽作為過來人，便大喊非常後悔生兩子，更揚言生育是「一生人做得最錯的事」，又指如果可以時光倒流，她一定不會選擇生小朋友。因此她奉勸其他未生的人「千祈唔好生，唔好令自己走入深淵！」

Photo from MamiDaily

港媽嘆後悔生仔

日前這名港媽在論壇上以「好後悔生仔」為題發文大吐苦水，育有兩子的她大呻「做乜要生！錢好似倒水咁，又冇晒自己人生、冇晒自由、冇晒自己生活！成副心機俾晒佢哋！你話乖都抵吖！見住佢兩個都覺得煩！唔自律唔聽教當父母死！讀書又要理，身體又要擔心。」

Photo from MamiDaily

因大仔而再生

港媽稱她之所以會生兩個，全因大仔經常跟她說想要細佬妹，因此為了兒子才生多一個。誰知兩兄弟經常爭吵、打架，又不聽話，令父母非常勞氣。港媽又指在生育兩子後，令她舊病復發，精神和體力上的煎熬令她身體變差，更坦言當媽後「命都短幾十年」。

勞氣兒子唔生性

令她最勞氣的是因為兩個兒子「唔生性」，雖然他們還未到青春期，但已經「當我死，自問最錫佢哋，但佢哋從來都唔識得感恩，乜嘢都係覺得奉旨。我細個見到媽媽返工咁辛苦，我就唔敢駁嘴，會自動自覺幫手做家務，希望媽媽唔好咁辛苦。」相反自己的兩個兒子沒有絲毫感恩，「點解可以咁冷漠、咁自私」，令她對兩子感到十分心淡。

Photo from MamiDaily

爸媽如孩子工人

她又指跟老公就像兩子的工人，覺得兩夫婦的處境很慘，「佢哋真係好冇本心，仲會出口鬧我哋，前世欠佢，今世攞債咁。」不過她坦言只是想吐苦水，自己也是個事事緊張的媽媽，因為擔心他們的學業和前途才會起衝突。她指為人母親只想孩子「健康快樂成長，長進為自己前途著想。」

有網民同意生仔失自由

有網民也認同後悔生孩子，「生咗無得後悔，我都好怕小朋友」、「生完先知好怕小朋友，你並不孤單」、「單身的話，一份糧自己洗，全部買自己鍾意的。生2個，一份糧3個人洗。」、「生一個就夠，生兩個真係一生人的金錢、時間、精神、心血全奉獻。到頭來，佢地未必感恩，一d意思都無。」

Photo from MamiDaily

爸媽稱生育先苦後甜

也有網民鼓勵發文港媽，「到妳年紀漸大、睇住他們成家立室，到時便會改變睇法了、先苦後甜吧~」、「總有快樂的時候，不要忘記呀！」、「辛苦是其中一個階段，父母為子女所付出的一切，會苦盡甘來的，媽媽加油！」、「再多一段時間，仔女大咗，就開始見到曙光，到時就係你嘅收成期!」、「感謝我的小朋友來臨，令我可以成為母親，也令我可以見証佢的成長」。