【父親節2021】自助烘焙 小朋友睇iPad跟住做 父親節親製蛋糕送Daddy
父親節送咩好?生日送咩好?送咩都無所謂，最緊要有誠意!!!自己整個蛋糕夠晒誠意，而且仲有半價優惠，好抵玩呀！話說前一星期，因為同就快考試的浠姐溫書，很需要鬆一鬆（你懂的），所以就出去試了人生第一次 #自助烘焙啦！
為何要出去整蛋糕呢？雖然平時我都有整開甜品，材料同工具其實都算好充足，但我更加想要個空間，一個不被小肥滺同金仔打擾的空間。
如果你係蛋糕新手，屋企無咁多材料同工具，又或者無地方無空間，自助烘焙的確係一個唔錯的選擇。
自助烘焙，顧名思義就係自助＋烘焙，成個烘焙過程一部ipad就係你嘅導師。
環境
夠大夠光夠舒服，環境係好重要 (部份蛋糕價錢係比嚟買個環境)，用具區同材料區分得好清楚，分類做得好，感覺很治癒。
每張台下面有個密碼鎖，方便鎖起自己私人物品。
教學片
教學片拍得幾精簡，建議一開始睇一次，了解大概做法係點。
詳細步驟食譜
就以我個蛋糕為例，共有三十幾步，每一步有字有圖，十分清晰，基本上浠姐都可以handle到。
材料
每種材料都分得好清楚，擺得好齊整（媽媽表示睇得好治癒），而且每款都會有名，對住食譜去拎，小朋友都可以自己完成一大半。
工具
如果新手，工具應該算比較難的一部份，但食譜內都有詳細教你點用（例如部廚師機，浠姐自己唔睇ipad都裝到嚟用) 。
最重要係咩？用完分類放返好就得，唔使洗！唔使洗！唔使洗！（ ＃重點要說三次）
今次我簡咗自己最弱的cream蛋糕，而且未試過做淋面。因為補祝daddy生日，所以本身粉紅色＋白色的士多啤梨蛋糕，我就做藍＋綠色(但裝潢材料及用料就唔可以改變)。
本身蛋糕價錢要$480，用eatigo apps訂最高折扣優惠 #50％off！ (50% off主要集中在朝早及夜晚時段)，加多一人同行＋$60，埋單$300可以玩足2.5小時，拎走埋一個100％充滿愛有誠意的蛋糕，折咗之後都叫抵玩！
略有少少不足的就係:
->蛋糕款式「內餡」的豐富度就比出面教學的較為簡單;
->無食譜提供拎走
->店內的打卡牆，燈光要啲時間捉摸，影個全身好易變黑人 (由浠姐示範比大家睇)。
辛苦晒浠姐，用超低角度幫我影呢張相，你知啦，影到又唔肥又唔殘唔係易，起碼爸爸做唔到。
BYO自助烘焙
https://www.bakeyourownhk.com/
[銅鑼灣旗艦店] 香港銅鑼灣霎東街15號OLIV 8樓全層
[旺角本店] 香港九龍旺角登打士街56號家樂坊14樓05室
[九龍灣MegaBox店] 九龍灣宏照道38號MegaBox L2 32-33
[元朗YOHO店] 香港新界元朗朗日路8號形點一期地下G001鋪
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
