【媽媽分享】生仔唔係咁簡單~是愛與痛的延續
生完仔之後，孖媽除咗冇咗好多 me time 和 we time 之外，條腰開始不能向前摺埋。一想向前摺或向前彎，就感到好似有肋骨插入嘅刺痛。一直都冇時間去理，而且又唔知睇邊科好，再加上唔係太影響日常生活。所以冇去理...直至最近連右腳加膝頭都痛，一直以為拉傷咗，但真係好耐都冇好...
豬友話: 「你都咁老，可能已經退化了 ~」
我話: 「我都知我老過你，但無理由左邊無事，只退化一邊。」
看著其他舞友輕易拉筋，而我雖然老，但天生嘅筋也不算硬。
未生前，我可以做到好多動作，但依家連拉筋都痛。
決心去睇醫生同照吓條脊椎... ...
之前中醫已說我成個盆骨歪咗，但原來仲有好多問題 。
果然 七勞八傷，上段胸椎向右側、腰椎向左側彎導至生理曲度消失而引起肌肉痙攣、下段腰椎退行性改變、第四腰椎向後移位和右側盆骨過於左側。
Oh….no…..這是我的身體嗎??
我都唔知係咪陀住兩隻馬騮時搞到咁(但當時個肚真係好大)，定出世後成日咩住佢哋周圍去搞到咁。
我只知生完後，我彎低身幫佢哋換片都痛，好似有肋骨插入咁。
希望所有問題都真係只係因盆骨歪咗而引致，可以醫返好。
每一位媽媽也是冒著生命危險把寶寶帶到世上。
每一位媽媽心知即使有多痛也要把寶寶帶到世上。
原來那種痛是可以未完的... ...
隊友們，好好疼愛媽媽。
(其實我的隊友也很好，只是偶然笨一點和時常說我老)
這種愛與痛伴隨著寶寶而降臨，
但仍然感謝兩位寶寶選擇了我當孖媽，
感受無條件的愛。
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
