【湊B貼士】去年戒片失敗 今年再作戰 小法寶為戒片做好準備

上年綿綿可能未 ready，未能成功戒片，到冬天就停了幫他戒。直到現在，襯天氣回暖，是時候要開始再訓練喇！雖然都算遲，但我相信有心唔怕遲的。今次預備了幾樣小法寶，希望可以幫助他成功啦！

1) 青蛙企厠

如果直接射出尿柱到青蛙條脷，它會好似風車般轉動，如果小朋友覺得有趣，應該對佢上前小便有幫助。

2) 大笨象尿壺

綿綿有幾次都話要屙尿落大笨象個鼻度，這個尿壺都是他成功的第一步。 有時未趕到去厠所， 我都會暫時用大笨象，讓他增加成功感及滿足感。

3) 小坐厠

如果有大便，就讓他試下坐着屙， 我記得上年成功過一次，但之後都好似未成功過。

4) 戒片褲

預備定不同款式戒片褲， 希望佢有興趣戒片。

5) 貼紙

當佢成功去厠所， 就會獎他小貼紙， 讚下他，鼓勵他，讓他繼續努力。小朋友有成功感就會好開心。

我同期好多媽媽，都已經成功幫小朋友戒了片，我都有參考她們的意見， 叫我定時定候記得問囝囝有無尿尿，如果不成功，記得不要怪責他，不要打擊小朋友的自信心。開學前，希望可以幫到綿綿戒片啦~

如果有媽媽有更好方法，不妨互相交流一下！

延伸閱讀：

【另類教養】5歲童不肯收拾房間媽媽出手搞掂 鐵腕手段惹網民熱議

延伸閱讀：

【湊仔經】比起說「早晨」更好！爸媽堅持早上說這5句話　孩子會一天比一天優秀！

Text & Photos：Suki 綿綿媽媽