download MamiDaily 親子日常 app
【戶外放電】卑路乍灣海濱長廊公園免費放電空間  玩卡板+砌迷宮+滑板車+維港靚景

【戶外放電】卑路乍灣海濱長廊公園免費放電空間 玩卡板+砌迷宮+滑板車+維港靚景

爸媽分享 bloggers
By 和牛B的成長日記 on 01 Apr 2021

最近去開香港區,就帶了和牛B同妹妹去香港西區戶外地方放電~
這裏有成5,900平方米,仲有維港海景睇~



如果好天氣的話,睇日落係一流呀!!
可惜我們當日天陰,多雲仲有霧,所以冇日落睇...

不過都唔緊要啦,因為和牛B一樣玩得好開心!!

今次去的是位於西環卑路乍灣海濱長廊,全日24小時免費開放!


而且交通都方便,可以在港鐵堅尼地城港鐵站 A出口,沿土美菲路向海邊步行,大概5分鐘路程,轉入城西道,卑路乍灣海濱長廊就在堅尼地城巴士總站隔離。除了港鐵之外,亦可以乘搭巴士 18P, 18X, 113, 904等,於堅尼地城巴士總站落車。

這裏空間大,最特別就係有好多藍色卡板俾大人、小朋友搬來搬去玩~~

仲可以利用卡板砌出迷宮、起返個小花園、小隧道亦都得!!

^ 卡板小隧道

^ 卡板迷宮
公園入面仲有之前聖誕元素(雪車)、新年的賀年全盒裝置。


^ 賀年全盒裝置一次可以容納好多小朋友,辛苦大人合力推動全盒~可以旋轉360

^ 仲有特式的移動心心椅~

^ 雪車款的車仔~打卡、一家大細坐在上面都唔錯~
海濱長廊公園沿海路段不算長,但係就可以欣賞到西九龍、昂船洲大橋和青馬大橋。

夜晚的時候,仲會亮起欄杆上的特式光管,夜晚來打卡相信都會好靚呀!!

公園入面仲有寵物公園區,如果有養狗仔的你,仲可以帶埋寵物一齊去玩去放電呀~
地方雖大,入面仲可以玩滑板車、滑板、滾軸溜冰等。
所以小朋友進行玩樂的時候,大人都要睇實小朋友,以免碰撞受傷哦。

公園入面設有洗手間,不過廁格唔算多,所以唔好拖到最後一刻先去廁所呀~~<

**溫韾提示**
疫情期間,記得戴好口罩、勤洗手、勤潔手,唔好摸眼、口及鼻,亦唔好多人聚集。
此外,場地近海邊風較大,記得帶定外套,以免著涼。

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道