【親子去HighTea】Duffy and Friends勁可愛下午茶

上星期五，我哋入咗迪士尼探索家度假酒店嘅芊彩餐廳歎high tea (afternoon tea)。
由即日至30/6 推出咗 Duffy and friends 系列下午茶餐(囝囝同囡囡勁鐘意Duffy and friends)。

環境:3.5(5為滿分)
環境不錯，芊彩餐廰以藍綠色和木色為主調，感覺舒服。除普通座位外，另設有梳化位和高櫈位。

食物:3.5 (5為滿分)
一人份包括6款甜點、自選2款鹹點和一杯飲品。鹹點可自由配搭，迎合不同的需要。
當日我哋點咗漢堡包，西冷牛扒可選擇幾多成熟。我揀咗八成熟，小朋友都食得，而且味道不錯。

另外，海洋米粉卷伴龍蝦泡泡味道一般，味道不夠濃郁。
甜點造型十分精緻，今次以Duffy and friends 卡通人物為主，兔子StellaLou蛋糕配合復活節主題，好可愛和應節。

甜味味道不錯，但不能與其他酒店富層次感嘅蛋糕相比。
不過小朋友一定食得特別開心。
咖啡可選擇低脂奶。
整體份量足夠，因甜點和鹹點算大份。
價錢:4 (5為滿分)
兩位378元(另有加一服務費)，茶聚二小時。
銀卡會員可享7折優惠，每人俾146元左右，真係好抵呀~

詳情請查看官網

登入「奇妙處處通」會員專頁，查看 「 你的可享禮遇 / 禮品」。
以下係我自己的「可享禮遇 / 禮品」:
銀卡會員使用其生日禮遇可於迪士尼探索家度假酒店內的芊彩餐廳享用二人下午茶套餐7折優惠。每位會員可以此折扣優惠享用最多兩份二人下午茶套餐。此優惠不得與其他推廣活動或折扣優惠一併使用(包括任何會員餐飲優惠)。加一服務費以芊彩餐廳二人下午茶套餐原價計算。不適用日子為2021年2月14日、5月9日及12月21日至31日。
另外，可以揀兒童餐，可以53元換購價換購米奇15周年餐盒套裝(原價168元)。

服務:4(5為滿分)
店員有禮，並幫忙放好bb車。店員亦耐心解答我哋嘅提問。

親子度:4(5為滿分)
酒店所有配套也十分理想，始終迪士尼酒店主打親子，所以一定有high chair 和廁格內有換片枱。
但因疫情關係，未能提供顏色筆俾小朋友畫畫。
另外，地點真係好偏遠，如果唔係住附近，要花好長時間travel。
而且推住bb車 ，搭shuttle bus 也有點麻煩。
當日我推住孖b車由港鐵站行去酒店，幸好平時有做運動，所以不太辛苦。行咗大約15分鐘左右。

後記:
1.Afternoon tea set 真係算抵食，而且卡通人物造型好吸睛。
2.要打電話訂位都好困難。餐廰電話打好耐都冇人聽，最後要打去樂園熱線問和訂位。星期三打去，我哋排後補。到星期五早上都未知有冇位，因為冇人打俾我哋。自己早上再打電話問吓，跟住confirm咗有位喇。
3.食完tea，可以去靚草地跑跑真好~不過依家草地有一半左右地方被域分為私人區，俾遊客租借帳篷野餐。價錢388元，詳情看留言位的相啦~
4.慳家媽媽梗係要睇吓快閃優惠~好多都好抵~自己買咗把櫻花雨傘，會員價89蚊咋。當然仲有好多靚靚公主裙同埋文具。

Text & Photo : 龍鳯孖媽