download MamiDaily 親子日常 app
【難為父母】公審小孩「點解連剪頭髮都唔願意離開手機?」  網民:批評人時不會在對方角度考慮!

【難為父母】公審小孩「點解連剪頭髮都唔願意離開手機?」 網民:批評人時不會在對方角度考慮!

mami熱話 親子新聞
By Dara on 21 Feb 2021
Deputy Managing Editor

現在做人父母,真是很大壓力,帶小孩出街,隨時會被偷影且放上網公審。最慘是對方不會從你的角度看事情,有理無理,總之他覺得不對就要公審。今日(21號)在社交專頁,便有人公審小孩「點解連剪頭髮都唔願意離開手機?」真的令很多父母「O」晒嘴。

生仔要考牌系列Photo from 生仔要考牌系列

發帖人「水橋氷嵐」在「生仔要考牌系列」投稿,內容很簡短,「頭先行過理髮店,喺街邊對出嘅座位上,有位小朋友剪緊頭髮。我見佢娘親拎住部手機係咁掃上掃下,我仲以為佢扮Mr. Bean 咁,將塊鏡掃上又掃下,原來係部手機播緊兒童卡通片。點解連剪頭髮都唔願意離開手機?!」

他附上一張照片,一名男孩乖乖坐着由女髮型師修理頭髮,旁邊一名女士右手舉着電話,左手托着男孩的下巴,似乎幫忙固定孩子的頭部,方便髮型師修剪。而事發地點,應是一間設有幼兒服務的理髮店,男童坐在車形的座椅上,還有家長抱着孩子在等候。帖文一出,引來不少人留言,一面倒指責發帖人沒品,小孩剪髮睇手機是有實際需要的,而且他和家長並沒有影響人,不應該公審他們,甚至指「有咩問題?唔通寧願佢周圍郁影響人?」

生仔要考牌系列Photo from 生仔要考牌系列

MamiDailyPhoto from MamiDaily

網民一致認為,如果小朋友本身坐不定,剪頭髮時用電話吸引他,是很合理的事,頭髮剪得不好事小,傷到小朋友事大。而且髮型師亦很驚小朋友突然間郁動,可能會見血。「一個陌生人拎住把鉸剪對住自己個頭,小朋友覺得驚好正常,一驚就郁,搵嘢分下神,一家便宜兩家著,何樂而不為?」、「我冇小朋友都知小朋友坐定定剪頭髮係好難嘅事⋯ 播住卡通片令佢坐定定有咩問題?」一些有特殊需要的孩子(SENS),例如:自閉症、感統問題等,對聲音和質感也很敏感,害怕剪髮時鉸剪、電剷的聲音,或好怕頭髮跌落自己身上的感覺,更加需要分散注意力。

有人指發帖人小小事也公審,做父母真艱難,「平時搭車小朋友一嘈,d人又鬧個家長唔控制佢,人哋比電話個小朋友等佢唔好嘈,又比人公審一樣囉」、「坐依啲車仔seat剪髮應該好細個,其實最緊要小朋友坐定,週身郁大喊大叫又比人登上嚟話無考牌喇,龍門任搬架啫」。

MamiDailyPhoto from MamiDaily

有人質疑:「樓主細個剪頭髮冇睇老夫子?」、「想知樓主剪頭髮時會做乜打發時間?」甚至建議樓主不要生小朋友,生了他又辛苦,小朋友又辛苦,到時樣樣都看不順眼。

延伸閱讀:

延伸閱讀:

Text : Mami Editorial

相片授權轉載 : 生仔要考牌系列 FB

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道